Toghchán Chomhthionól Thuaisceart Éireann 2022

Toghchán Chomhthionól Thuaisceart Éireann 2022
Cineál	toghchán Thionól Thuaisceart Éireann ; leathanach idirdhealaithe Wiki
Dáta na bliana	5 Bealtaine 2022
	← Toghchán Thionól Thuaisceart Éireann 2017 Next Northern Ireland Assembly election (en) →
Tír	an Ríocht Aontaithe
Baint le limistéar údaráis	Tuaisceart Éireann
Oifig le buachan	Comhalta den Tionól Reachtach (90)
Iarrthóir	Sinn Féin (250,388); Páirtí Aontachtach Daonlathach (184,002); Páirtí Comhghuaillíochta Thuaisceart Éireann (116,681); Páirtí Aontachtach Uladh (96,390); Páirtí Sóisialta Daonlathach an Lucht Oibre (78,237); Glór Traidisiúnta Aondachtach (65,788); An Comhaontas Glas i dTuaisceart Éireann (16,433); Aontú (12,777); Comhghuaillíocht an Phobail roimh Bhrabús (9,798); An Páirtí Aontachtach Forásach (2,665); Páirtí Poblachtach Sóisalach na h-Éireann (1,869); Páirtí na nOibrithe (839); Cross-Community Labour Alternative (en) (602); Socialist Party of Ireland (en) (524); Northern Ireland Conservatives (en) (254); Heritage Party (en) (128); polaiteoir neamhspleách (25,315)
Iarrthóir ar éirigh leis/léi	Sinn Féin ; Páirtí Aontachtach Daonlathach ; Páirtí Comhghuaillíochta Thuaisceart Éireann ; Páirtí Aontachtach Uladh ; Páirtí Sóisialta Daonlathach an Lucht Oibre ; Glór Traidisiúnta Aondachtach ; Comhghuaillíocht an Phobail roimh Bhrabús ; polaiteoir neamhspleách

Bhí 90 suíochán ar fad sa chomhthionól; toghadh 5 feisire tionóil as gach ceann de 18 toghlach ar fud Thuaisceart Éireann.

An feachtas

Bhí Sinn Féin chun tosaigh ar gach páirtí eile sna pobalbhreitheanna réamhthoghcháin. An costas maireachtála an téama is mó a bhí ag Sinn Féin. Ach cnámh spairne mhór a bhí sa Phrótacal Thuaisceart Éireann agus an mhíshástacht a bhí cothaithe aige, i measc an DUP ach go háirithe. Bhí sé ráite ag an DUP nach nglacfaidh siadsan páirt i bhfeidhmeannas nua mura dtéitear i ngleic le Prótacal an Tuaiscirt, an cheist is mó atá ag déanamh tinnis dóibh ó d'imigh an Bhreatain as an Aontas Eorpach.

Torthaí

D'éirigh le Sinn Féin 27 suíochán a bhuachan, 2 cheann sa bhreis ar an bpríomh-pháirtí aontachtach,an DUP. Don chéad uair riamh, ní raibh ag páirtí aontachtach an móramh sa Tuaisceart

Seo an toradh iomlán agus comparáid leis an toghchán deiridh i 2017 idir na lúibíní.

Sinn Féin 27 (Níl aon athrú i líon na suíochán)
DUP 25 (-3)
Alliance 17 (+9)
UUP 9 (-1)
SDLP 8 (-4)
Eile 4

Bhí Alliance sásta le toradh an toghcháin go háirithe, a líon suíochán dúbailte aige go 17. Maidir le Páirtí Aontachtach Uladh (UUP) agus an páirtí náisiúnach SDLP, chonaic siadsan laethanta i bhfad ní ab fhearr sa Tuaisceart, an 2 pháirtí ba láidre ag bunú an chomhthionóil i 1998. Ní raibh aon suíochán ag Comhaontas Glas i gComhthionól Stormont sa bhliain 2022 i ndiaidh dhó an péire a bhí aige ón toghchán 2017 a chailleadh.

De réir na bhforálacha, ba le Sinn Féin post na céad-aireachta, cé go raibh an stádas céanna aige go hoifigiúil le post na leaschéad-aireachta a gcaithfear é a bhronnadh sa gcás seo ar an DUP.

Scannal Donaldson / Little Pengelly

I dtoghchán an Tionóil, bhí Jeffrey Donaldson, ceannaire an DUP, ar cheann an chomhairimh i nGleann an Lagáin. Ansin d’fhógair Donaldson go bhfanfadh sé ina fheisire Parlaiminte Westminister mar chuid dá fheachtas in éadan an phrótacail iarBhreatimeachta agus d’ainmnigh sé Little Pengelly mar theachta Tionóil ina ionad. Bhí an beart dleathach ach baineadh siar as daoine gur tharla sé chomh luath sin tar éis lá na vótála; an chéad uair a ndearnadh é mar gur roghnaigh an té a toghadh gan freastal ar Stormont. Comhthoghtar ionadaithe chun fothoghcháin a sheachaint. Ba é seo an dara huair a comhthoghadh Emma Little Pengelly mar theachta.

Féach freisin

Prótacal Thuaisceart Éireann

Tagairtí

This article uses material from the Wikipedia Gaeilge article Toghchán Chomhthionól Thuaisceart Éireann 2022, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaeilge (DUHOCTRUNGQUOC.VN) is an independent company and has no affiliation with Wiki Foundation.