Jacaí Sasanach ba ea Lester Piggott (5 Samhain 1935 - 29 Bealtaine 2022).
Bhuaigh sé an Epsom Derby (9 -n-uaire), an Oaks (6), Rásaí na nGiní (7) agus an St. Leger (8).
(1955) | |
Beathaisnéis | |
---|---|
Breith | 5 Samhain 1935 Wantage, England |
Bás | 29 Bealtaine 2022 86 bliana d'aois An Ghinéiv, An Eilvéis |
Gníomhaíocht | |
Gairm | jacaí, traenálaí capall |
Tréimhse oibre | 1945 – |
Teangacha | Béarla |
Spórt | spórt eachaíochta |
Eile | |
Athair | Keith Piggott agus Iris Rickaby |
Ciontaíodh i | calaois chánach (1987) |
Gradam a fuarthas | |
Sa mbliain 1793 a saolaíodh a shin-sin-seanathair (ó thaobh a mháthar) John Barham Day a bhuaigh 12 rás Clasaiceach mar mharcach agus seacht gcinn mar thraenálaí idir 1838 agus 1854.
Bhí a shliocht ón taobh eile beagnach chomh cáiliúil céanna – stáblaí ag a athair mór Ernie Piggott (1878-1967) in Oxfordshire agus ag athair Lester, Keith, in Lambourn.
Leis an léimrásaíocht ba mhó a bhíodh an bheirt sin luaite. Trí huaire a bhí Ernie ar mhuing capaill a bhuaigh an Grand National. Bhuaigh Keith Piggott Champion Hurdle mar mharcach i 1939 agus ba é a thraenáil Ayala, buaiteoir an National i 1963.
1.73m ar airde a bhí Piggott agus chaith sé an chuid eile dá shaol marcaíochta ag troscadh agus ag seargadh. Bhí a stíl féin aige agus é sa diallait, a thóin níos airde san aer ná mórán chuile mharcach eile.
Ní raibh Piggott ach 12 bliain d’aois nuair a bhuaigh sé rás den chéad uair agus sé bliana lena chois sin nuair a bhuaigh sé an Derby i 1954.
Chaith Piggot blianta ina mharcach-stábla ag Vincent O’Brien i mBaile Dúill i gcontae Thiobraid Árann, san áit a raibh Aidan O’Brien níos déanaí. Ba é an Brianach a thraenáil cuid mhaith de na capaill a bhuaigh rásaí móra Shasana do Piggott mar aon le cúíg Derby agus na déaga de rásaí clasaiceacha. Tháinig Piggot ag iomaíocht chuig traiceanna beaga in Éirinn chomh maith.
Sprionlóir amach agus amach ab ea Piggot, tréith ar íoc sé go daor as nuair a chaith sé bliain i bpríosún siocair nach raibh a chuid cánach íoctha aige mar ba chóir.
This article uses material from the Wikipedia Gaeilge article Lester Piggott, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaeilge (DUHOCTRUNGQUOC.VN) is an independent company and has no affiliation with Wiki Foundation.