Is éard is ginmhilleadh ann ná deireadh a chur le toircheas trí suth nó féatas a bhaint nó a dhíbirt sula bhféadann sé maireachtáil taobh amuigh den útaras.
Tugtar breith anabaí nó ginmhilleadh spontáineach ar eachtraí a tharlaíonn gan idirghabháil. Nuair a ghlactar céimeanna d'aon ghnó chun deireadh a chur le toircheas, tugtar ginmhilleadh spreagtha air nó go hannamh ná sin "breith anabaí spreagtha".
De ghnáth tagraíonn an téarma neamhathraithe ginmhilleadh do ghinmhilleadh spreagtha. Tugtar "foirceannadh déanach ar thoircheas" , ar ghnáthamh comhchosúil tar éis don fhéatas maireachtáil taobh amuigh den bhroinn.
Is é atá i gceist leis an teicníc mháinliachta is coitianta ná an ceirbheacs a leathadh agus caidéal súite a úsáid. Dealraíonn sé go bhfuil an druga mifipriostón i gcomhar le prostaglandin chomh sábháilte agus chomh héifeachtach le máinliacht le linn an chéad agus an dara ráithe toirchis.
Nuair a dhéantar é i gceart, tá ginmhilleadh ar cheann de na ghnáthamh is sábháilte sa leigheas, ach is é ginmhilleadh neamhshábháilte príomhchúis le mortlaíocht máithreacha, go háirithe sa domhan i mbéal forbartha.
Téann stair an ghinmhillte siar go dtí an ré ársa ach tá go leor conspóide ann faoi.
Tá an ginmhilleadh dlíthiúil in Éirinn, buíochas leis an mBille um an Séú Leasú is Triocha ar an mBunreacht. Vótáil 66.40% den phobal ar son an bille seo ar an 25 Bealtaine 2018. Roimhe seo, bhí an ginmhilleadh neamhdhlíthiúil in Éirinn. Tá an ginmhilleadh dlíthiúil freisin sa Bhreatain is cuid mhaith tíortha eile faoi chúinsí ar leith. Tá an ginmhilleadh conspóideach i gcuid mhaith tíortha.
This article uses material from the Wikipedia Gaeilge article Ginmhilleadh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaeilge (DUHOCTRUNGQUOC.VN) is an independent company and has no affiliation with Wiki Foundation.