ანგელოზი (ბერძენ.
ἄγγελος „ანგელოს“ — მაწიებელი) — შურიელი გონური რინუ, გჷმოხანტჷნს ღორონთიშ ნებას დო უღუ ვაადამიერული შელებუა დო სვენერაფა.
ბიბლიას მოშინაფილი რე ანგელოზეფიშ 9 დასი, ნამუეფჷთ 3 იერარქიათ ირთჷ:
სერაფიმეფი, ქერუბიმეფი, ოჸუდერეფი ნებეფი, ნძალეფი, ხემონჭეეფი თარობეფი (დაჭყაფურეფი), თარანგელოზეფი დო ანგელოზეფი.
თარანგელოზეფი:
მიქაელ თარანგელოზი თაშნეშე ანგელოზპატონი - დოდგინელი რე ანგელოზეფიშ დასიშ მადუდეთ. თიში ჯოხო ურიულო შანენს: "ნამუთ მუჭოთ ღორონთი რენ“ - გემარჯგინე არძა ნტერული ნძალაში. მიქაელ თარანგელოზიშო იხვამანა დემონურ მოღორებეფიშ ბორჯის.
გაბრიელ თარანგელოზი - სიჸონიერე (ჭყანა) ღორონთიში (დან. 8, 16; ლკ. 1, 26) - ღორონთიშ ნოფულიშ ჯგირი მარწიებელი, ღორონთიშ ირნერომარჯგინალაშ მახარებელი დო მანინალე რე. ხატეფს გაბრიელ თარანგელოზის გჷმოხანტჷნა სამოთხეშ ჸათ, ნამუთ ირნეროწიმინდე ქარწუნს მიარზჷ, შხირას თის ხეს მონტებული ლამპარი უკებჷ.
რაფაელ თარანგელოზი - ღორონთიერი მასქილადაფარი (ტობ. 3, 16; 12, 15), ლახარეფშე ადამიერეფიშ მარსხებელი.
იეგუდიელ თარანგელოზი - ღორონთიშ დიდებას შანენს. თინა ადიდენს ღორონთს, მოღალეეფს გჷთმაკენჯენს დო თონეფიშ აშმარინე რე.
სელაფიელ თარანგელოზი - მახვამურს შანენს. თინა ადამიერეფს უძირაფეთ ალურე ხვამაშ ბორჯის.
ურიელ თარანგელოზი - ღორონთიერი დაჩხირი დო თე, გჷმანათაფალი (3 ეზრ. 5, 20)
ვარახიელ თარანგელოზი - კურთხუაშ ანგელოზის შანენს. ადამიერეფშო ღორონთიერი ჭყოლოფუაშ გჷმმათხიებელი რე.
იერომიელ თარანგელოზი - შანენს ღორონთიშჸურე ამაღალაფას (3 ეზრ. 4, 36). თინა ოღორონთე ჸოროფაშ მაკორინუ რე. ხატეფს ეიხანტუაფჷ ხეს სახწორით.
This article uses material from the Wikipedia მარგალური (Margaluri) article ანგელოზი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.