Kimere

Ene kimere u comere (eto ene feme, pus råmint, ene femreye u, divins l' tins, on blanc-bounet), c' est ene grande djin di seke femrin.

On a ptchî li mot «kimere» (ki si «pout spotchî» a «cmere») ki l' ôte cogne coinrece, «comere», paski si fås amisse e francès «commère» vout dire «canlete», «tchafiåde».

Mins i pout esse èn emacralé mot ca, e sacwants accints do walon, i vout dire djonne feye.

On pout mete avou les addjectif «djonne» u «ptit», sins candjî d' sinse (ene djonne kimere, ene pitite comere, c' est ene ado, u ene djonne feye. Mins on n' pout nén uzer di l' addjectif «viye» sins candjî d' sinse, ca ene «viye comere», c' est ene ki n' s' a nén maryî.

Li mot «feme» est puvite siervou come li mwetêye d' ene cope. Mins ene viye feme, c' est l' seu lomaedje ordinaire d' ene kimere k' est ddja d' ådje.

• Abondroets des cmeres
• Ewalisté kimere valet