Bevolkiengsdichtheid
Nedersaksen Niedersachsen | |
---|---|
Liggienge in Duutsland | |
Hoofdstad | Hannover |
Ippervlak | 47.618,24 km² |
Inweuners | 7.826.739 (2014) 167,86 inw./km² |
Minister-president | Stephan Weil (SPD) |
Coaliesje | SPD-Grüne |
ISO-code | DE-NI |
Website | niedersachsen.de |
Nedersaksen (Duuts: Niedersachsen) is e dêelstoat in 't nôordwestn van Duutsland met 'n ippervlak van 47.600 km². Den hoofdstad is Hannover.
Nedersaksen is achter de Twidde Weireldoorloge gesticht (1946) achter da 't e dêel van de Britsche bezettiengszone was gewist. 't Wierd soamngesteld uut Hannover (vodien e provinsje van Pruussn) en de vrystoatn Oldenburg, Brunswyk (Braunschweig) en Schaumburg-Lippe.
Nedersaksen grenst an de Nôordzêe, de dêelstoatn Sleeswyk-Holstein, Hamburg, Mecklenburg-Voorpommern, Brandenburg, Saksen-Anhalt, Thüringen, Hessen en Noordreyn-Westfalen en an Holland (Overyssel, Drenthe en Groningen). De dêelstoat Bremen wordt omriengd deur Nedersaksen.
Nedersaksen ligt vor e grôot dêel in de Noord-Duutsche Leegvlakte en de riviern de Wezer, de Eems en de Elbe loopn der deure. 't Noordn en 't westen van Nedersaksen zyn styf plat. Sommigte dêeln liggn oender zêeniveau. Juste moa ip de Lüneburger Heide komt 't landschap ip bepoalde plekkn toet circa 150 meter. In 't uuterste zuudn ligt wel 't Teutoburgerbus, dat toet maximoal 446 m komt. In 't ôostn van Hannover ligt ’t gebergte de Harz, woa dat de Wurmberg met 971 m boovn zêeniveau 't hoogste punt van Nedersaksen vormt.
In Nedersaksen klappn ze Hoogduuts en verschillige variantn van 't Nedersaksisch. In 't Saterland, in landkreis Cloppenburg wordt nog deur e klêene groep e Fries dialect gesprookn.
Nedersaksen was oenderverdêeld in vier Regierungsbezirke (administratieve regio's), die in 2004 ofgeschaft zyn. Nu is 't oenderverdêeld in 38 Landkreise en 8 kreisfreie Städte.
Ofbeeldiengn die ier by passn ku je vien in de categorie Lower Saxony van Wiki Commons. |
This article uses material from the Wikipedia West-Vlams article Nedersaksen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.