Shaka Samvat ni kalenda rasmi ya kitaifa nchini Uhindi inayotumiwa huko pamoja na kalenda ya Gregori.
Kalenda ilianzishwa mwaka 1957 baada ya uhuru wa Uhindi kwa lengo la kuunda kalenda ya kitaifa inayosaidia kuunganisha nchi hii kubwa. Kalenda ilitungwa na kamati iliyochungulia zaidi ya kalenda 30 tofauti zilizowahi kutumiwa katika sehemu na tamaduni mbalimbali za Uhindini.
Ni kalenda ya jua na muundo wake unafanana na kalenda ya Kiajemi jinsi inavyotumiwa nchini Iran.
Hesabu ya miaka inaanza mwaka 78 BK. Kwa hiyo mwaka 2014 katika hesabu ya Gregori unalingana na mwaka 1936–1937 wa Shaka Samvat.
Mwaka huwa na siku 365 na kugawiwa kwa miezi 12. Kila mwaka wa nne ni mwaka mrefu wa siku 366. Miezi ya kwanza huwa na siku 31, mengine siku 30. Mwezi wa kwanza (Chaitra) una siku 30 ila katika mwaka mrefu siku 31.
Mwaka huanza Machi 22 wa kalenda ya Gregori ambayo ni siku ya usawa wa mchana na usiku.
Mwezi | Idadi ya siku | Siku ya kwanza (kuf. na Kalenda ya Gregori) | |
1 | Chaitra | 30/31 | Machi 22* |
2 | Vaisakha | 31 | Aprili 21 |
3 | Jyaistha | 31 | Mei 22 |
4 | Asadha | 31 | Juni 22 |
5 | Sravana | 31 | Julai 23 |
6 | Bhadra | 31 | Agosti 23 |
7 | Asvina | 30 | Septemba 23 |
8 | Kartika | 30 | Oktoba 23 |
9 | Margashirsh (Agrahayana) | 30 | Novemba 22 |
10 | Pausa | 30 | Desemba 22 |
11 | Magha | 30 | Januari 21 |
12 | Phalguna | 30 | Februari 20 |
This article uses material from the Wikipedia Kiswahili article Shaka Samvat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maudhui yanapatikana kwa chini ya CC BY-SA 4.0 isipokuwa iwe imebainishwa vinginevyo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kiswahili (DUHOCTRUNGQUOC.VN) is an independent company and has no affiliation with Wiki Foundation.