ᱞᱚᱱᱰᱚᱱ: ᱥᱮᱞᱮᱫ ᱫᱤᱥᱟᱹᱢ ᱨᱮᱱᱟᱜ ᱨᱟᱡᱽᱜᱟᱲ
ᱞᱚᱱᱰᱚᱱ ᱫᱚ ᱤᱝᱞᱚᱸᱰ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱱᱚᱶᱟ ᱫᱚ ᱤᱝᱞᱚᱸᱰ ᱟᱨ ᱥᱮᱞᱮᱫ ᱫᱤᱥᱟᱹᱢ (UK) ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱛᱷᱮᱢᱥ ᱜᱟᱰᱟ ᱫᱚ ᱱᱚᱶᱟ ᱱᱟᱜᱟᱨ ᱥᱮᱫ ᱛᱮ ᱞᱤᱸᱡᱤᱱ ᱠᱟᱱᱟ ᱾ ᱞᱚᱱᱰᱚᱱ ᱫᱚ ᱯᱟᱪᱮ ᱤᱣᱨᱩᱯ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱥᱟᱶᱛᱮ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱹᱣᱰᱤ ᱛᱷᱟᱱ ᱠᱟᱱᱟ ᱾ ᱞᱚᱱᱰᱚᱱ ᱫᱚ ᱒᱐᱐᱐ ᱥᱮᱨᱢᱟ ᱜᱟᱱ ᱢᱟᱨᱮᱭᱟ ᱾ ᱱᱚᱶᱟ ᱫᱚ ᱨᱳᱢᱟᱱ ᱠᱚ ᱮᱛᱚᱦᱚᱵ ᱨᱮ ᱠᱚ ᱯᱟᱱᱛᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱩᱱᱠᱩ ᱫᱚ ᱞᱚᱱᱰᱤᱭᱚᱢ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱜ ᱾ ᱞᱚᱱᱰᱚᱱ ᱫᱚ ᱥᱠᱚᱴᱤᱥ ᱡᱮᱞᱤᱠ ᱛᱮ ᱞᱩᱱᱟᱭᱤᱱ ᱠᱚ ᱢᱮᱛᱟᱜ-ᱟ ᱾ ᱣᱮᱞᱥ ᱯᱟᱹᱨᱥᱤ ᱛᱮ ᱫᱚ ᱞᱩᱰᱮᱱ ᱟᱨ ᱟᱭᱨᱤᱥ ᱯᱟᱹᱨᱥᱤ ᱛᱮ ᱫᱚ ᱞᱚᱱᱰᱮᱱ ᱠᱚ ᱢᱮᱛᱟᱜ ᱠᱟᱱᱟ ᱾ ᱟᱹᱰᱤ ᱥᱮᱫᱟᱭ ᱫᱚ, ᱞᱚᱱᱰᱚᱱ ᱫᱚ ᱢᱤᱫ ᱦᱩᱰᱤᱧ ᱱᱟᱜᱟᱨ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮᱱ ᱠᱚ ᱦᱚᱲ ᱫᱚ ᱡᱚᱛᱚ ᱨᱚᱢᱟᱱᱤᱭᱟᱱ ᱠᱚ ᱛᱮᱭᱟᱨ ᱞᱮᱫ ᱠᱟᱸᱛ ᱵᱷᱤᱛᱟᱹᱨ ᱨᱮᱜᱮ ᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱱᱚᱶᱟ ᱴᱚᱴᱷᱟ ᱫᱚ ᱱᱤᱛᱚᱜ ᱦᱚᱸ ᱞᱚᱱᱰᱚᱱ ᱨᱮᱱᱟᱜ ᱱᱟᱜᱟᱨ ᱜᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱛᱟᱞᱟ ᱨᱮ ᱟᱭᱢᱟ ᱟᱹᱛᱳ ᱢᱮᱱᱟᱜ-ᱟ ᱾ ᱵᱟᱹᱭ ᱵᱟᱹᱭ ᱛᱮ ᱟᱭᱢᱟ ᱦᱚᱲ ᱱᱚᱸᱰᱮ ᱦᱮᱡ ᱠᱟᱛᱮ ᱠᱚ ᱵᱟᱥᱟ ᱤᱫᱤᱭᱮᱱᱟ, ᱚᱱᱠᱟᱛᱮ ᱱᱚᱶᱟ ᱟᱹᱛᱳ ᱠᱚ ᱫᱚ ᱢᱮᱥᱟᱭᱮᱱ ᱛᱮ ᱢᱟᱨᱟᱝ ᱱᱟᱜᱟᱨ ᱵᱮᱨᱮᱫ ᱮᱱᱟ ᱾ ᱞᱚᱱᱰᱚᱱ ᱫᱚ ᱡᱮᱜᱮᱛ ᱨᱮ ᱟᱹᱰᱤ ᱞᱟᱹᱠᱛᱤ.ᱟᱱ ᱱᱟᱜᱟᱨ ᱠᱟᱱᱟ, ᱵᱮᱯᱟᱨ, ᱠᱟᱹᱣᱰᱤᱠᱟᱹᱨ ᱟᱨ ᱨᱟᱡᱽᱟᱹᱨᱤ ᱞᱟᱹᱜᱤᱫ ᱾ ᱱᱚᱶᱟ ᱫᱚ ᱟᱨᱦᱚᱸ ᱞᱟᱨᱪᱟᱨ, ᱢᱮᱰᱤᱭᱟ, ᱨᱟᱹᱥᱠᱟᱹ-ᱨᱚᱢᱚᱡᱽ, ᱦᱚᱨᱚᱜ ᱵᱟᱸᱫᱮ ᱟᱨ ᱱᱟᱱᱟ-ᱦᱩᱱᱟᱹᱨ ᱛᱮ ᱜᱮ ᱟᱹᱰᱤ ᱧᱩᱛᱩᱢᱟᱱᱟ ᱾
ᱦᱚᱲ
ᱞᱚᱱᱰᱚᱱ ᱨᱤᱱ ᱦᱚᱲ ᱠᱚᱣᱟᱜ ᱮᱞ ᱫᱚ ᱘.᱖᱓ ᱢᱤᱞᱤᱭᱚᱱ ᱾ ᱞᱚᱱᱰᱚᱱ ᱨᱮ ᱛᱟᱦᱮᱸᱱᱠᱟᱱ ᱵᱟᱹᱲᱛᱤ ᱦᱚᱲ ᱜᱮ ᱵᱨᱤᱴᱤᱥ ᱠᱟᱱᱟ ᱠᱚ ᱾ ᱱᱚᱸᱰᱮ ᱟᱨᱦᱚ ᱟᱭᱢᱟ ᱦᱚᱲ ᱮᱴᱟᱜ ᱫᱤᱥᱚᱢ ᱠᱚᱨᱮ ᱠᱷᱚᱱ ᱦᱮᱡ ᱠᱟᱛᱮ ᱠᱚ ᱛᱟᱦᱮᱸ ᱟᱠᱟᱱᱟ ᱾ ᱱᱩᱠᱩ ᱫᱚ ᱟᱭᱢᱟ ᱵᱷᱮᱯᱮᱫ ᱯᱟᱹᱨᱥᱤ ᱠᱚ ᱨᱚᱲ ᱥᱟᱶᱛᱮ ᱫᱷᱚᱨᱚᱢ ᱟᱨ ᱞᱟᱠᱪᱟᱨ ᱦᱚᱸ ᱛᱟᱠᱚ ᱵᱷᱮᱯᱮᱫ ᱜᱮᱭᱟ ᱾ ᱟᱭᱢᱟ ᱦᱚᱲ ᱢᱮᱱᱟᱜ ᱠᱚᱣᱟ ᱡᱟᱦᱟᱸᱭ ᱠᱚ ᱫᱚ ᱮᱴᱟᱜ ᱫᱤᱥᱚᱢ ᱠᱷᱚᱱ ᱦᱮᱡ ᱠᱟᱛᱮ ᱱᱚᱸᱰᱮ ᱵᱮᱯᱟᱨ ᱞᱟᱹᱜᱤᱫ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱟᱭᱢᱟ ᱦᱚᱲ ᱧᱮᱞᱡᱚᱝ ᱞᱟᱹᱜᱤᱫ ᱞᱚᱱᱰᱚᱱ ᱫᱟᱬᱟᱱ ᱠᱚ ᱪᱟᱞᱟᱜ ᱜᱮᱭᱟ ᱾ ᱱᱩᱠᱩ ᱫᱚ ᱞᱚᱱᱰᱚᱱ ᱨᱮᱱᱟᱜ ᱧᱩᱛᱩᱢᱟᱱ ᱴᱷᱟᱶᱠᱚ ᱠᱚ ᱧᱮᱞᱟ ᱾
ᱱᱟᱜᱟᱢ
ᱨᱳᱢᱟᱱᱤᱭᱟᱱ ᱠᱚ ᱢᱤᱫ ᱱᱟᱜᱟᱨ ᱠᱚ ᱵᱮᱨᱮᱫ ᱞᱮᱫ ᱛᱟᱦᱮᱸᱫ, ᱛᱷᱮᱢᱥ ᱜᱟᱰᱟ ᱥᱩᱨ ᱨᱮ, ᱚᱱᱟ ᱫᱚ AD ᱔᱓ ᱚᱠᱛᱚ ᱨᱮ, ᱩᱱ ᱫᱚ ᱞᱚᱱᱰᱤᱭᱚᱢ ᱢᱮᱱᱛᱮ ᱴᱷᱟᱶ ᱠᱚ ᱧᱩᱢ ᱞᱮᱫ-ᱟ ᱾ ᱞᱚᱱᱰᱤᱭᱚᱢ ᱟᱹᱲᱟᱹ ᱫᱚ ᱥᱮᱞᱴᱤᱠ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ ᱾ AD ᱖᱑ ᱚᱠᱛᱚ ᱨᱮ ᱱᱚᱶᱟ ᱱᱟᱜᱟᱨ ᱫᱚ ᱠᱚ ᱟᱠᱨᱚᱢᱚᱬ ᱠᱮᱫ-ᱟ ᱟᱨ ᱜᱚᱴᱟ ᱫᱷᱟᱥᱟᱣ ᱪᱟᱵᱟ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱨᱚᱢᱟᱱᱠᱚ ᱜᱮ ᱟᱨᱫᱚᱲᱦᱟ ᱞᱚᱱᱰᱚᱱ ᱠᱚ ᱵᱮᱨᱮᱫ ᱠᱮᱫ-ᱟ ᱟᱨ ᱞᱚᱱᱰᱚᱱ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱ ᱵᱮᱯᱟᱨ ᱱᱟᱜᱟᱨ ᱵᱮᱱᱟᱣᱮᱱᱟ ᱾ ᱨᱳᱢᱟᱱ ᱠᱚ ᱵᱨᱤᱴᱮᱱ ᱠᱚ ᱵᱟᱹᱜᱤ ᱠᱮᱫ ᱛᱟᱭᱚᱢ, ᱛᱤᱢᱤᱱ ᱜᱟᱱ ᱦᱚᱲ ᱫᱚ ᱟᱹᱰᱤ ᱫᱤᱱ ᱦᱟᱹᱵᱤᱡ ᱱᱚᱶᱟ ᱱᱟᱜᱟᱨ ᱨᱮ ᱠᱚ ᱛᱟᱦᱮᱸ ᱮᱱᱟ ᱾ ᱪᱮᱫᱟᱜ ᱥᱮ ᱟᱝᱜᱽᱞᱚ-ᱥᱟᱠᱥᱚᱱ ᱦᱚᱲ ᱫᱚ ᱱᱟᱜᱟᱨ ᱛᱟᱞᱟᱨᱮ ᱫᱚ ᱵᱟᱝ ᱛᱟᱦᱮᱸ ᱥᱟᱱᱟ ᱠᱚ ᱛᱟᱦᱮᱸᱫ ᱾ ᱙ ᱥᱟᱭ ᱥᱮᱨᱢᱟ ᱥᱮᱫ ᱛᱮ ᱫᱚ ᱟᱭᱢᱟ ᱦᱚᱲ ᱠᱚ ᱛᱟᱦᱮᱸ ᱤᱫᱤ ᱮᱱᱟ, ᱚᱱᱟᱛᱮ ᱤᱝᱞᱚᱸᱰ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱵᱮᱱᱟᱣ ᱮᱱᱟ ᱾ ᱢᱮᱱᱠᱷᱟᱱ ᱑᱒ ᱥᱟᱭ ᱥᱮᱨᱢᱟ ᱫᱷᱟᱹᱵᱤᱡ ᱫᱚ ᱱᱚᱶᱟ ᱨᱟᱡᱽᱜᱟᱲ ᱞᱮᱠᱟ ᱛᱮ ᱫᱚ ᱵᱟᱭ ᱛᱟᱦᱮᱸ ᱠᱟᱱᱟ ᱾ ᱨᱮᱞᱦᱚᱨ ᱠᱚ ᱵᱮᱱᱟᱣᱮᱱ ᱛᱟᱭᱚᱢ ᱞᱚᱱᱰᱚᱱ ᱱᱟᱜᱟᱨ ᱫᱚ ᱥᱮᱬᱟ ᱮᱱᱟ ᱾
ᱚᱛ ᱪᱤᱱᱦᱟᱹ
- ᱮᱞᱤᱡᱟᱵᱚᱛᱷ ᱴᱟᱣᱟᱨ (ᱵᱤᱜᱽ ᱵᱮᱱ)
- ᱵᱚᱠᱤᱝᱜᱷᱟᱢ ᱯᱟᱞᱮᱥ
- ᱢᱤᱞᱤᱱᱤᱭᱚᱢ ᱰᱚᱢᱤ
- ᱞᱚᱱᱰᱚᱱ ᱟᱭ
- ᱱᱮᱞᱥᱚᱱᱥ ᱠᱚᱞᱚᱢ
- ᱴᱟᱣᱟᱨ ᱵᱨᱤᱡᱽ
- ᱞᱚᱱᱰᱚᱱ ᱟᱱᱰᱟᱨᱜᱨᱟᱣᱩᱸᱰ
- ᱱᱟᱪᱩᱨᱟᱞ ᱦᱤᱥᱴᱚᱨᱤ ᱢᱤᱣᱡᱤᱭᱚᱢ
- ᱥᱴ. ᱯᱚᱣᱩᱞᱥ ᱠᱟᱛᱷᱮᱰᱮᱨᱟᱞ
- ᱯᱟᱞᱮᱥ ᱚᱯᱷ ᱩᱣᱮᱥᱴᱢᱤᱱᱤᱥᱴᱟᱨ
ᱞᱚᱱᱰᱚᱱ ᱟᱱᱟᱜᱚᱱᱟ ᱥᱩᱵᱤᱫᱷᱟ
ᱞᱚᱱᱰᱚᱱ ᱱᱟᱜᱟᱨ ᱨᱮ ᱫᱚ ᱟᱱᱟᱜᱚᱱᱟ (transportation) ᱨᱮᱱᱟᱜ ᱟᱭᱢᱟ ᱥᱩᱵᱤᱫᱷᱟ ᱢᱮᱱᱟᱜ-ᱟ, ᱡᱮᱢᱚᱱ ᱨᱮᱞ ᱜᱟᱹᱰᱤ, ᱢᱮᱴᱨᱚ ᱨᱮᱞ ᱥᱟᱶᱛᱮ ᱢᱚᱬᱮ ᱜᱚᱴᱟᱝ ᱩᱰᱟᱹᱱ ᱰᱟᱹᱦᱤ (Airport) ᱢᱮᱱᱟᱜ-ᱟ ᱾
ᱵᱷᱤᱠᱴᱚᱨᱤᱭᱟᱱ ᱟᱭᱢᱟ ᱨᱮᱞ ᱜᱟᱹᱰᱤ ᱥᱩᱵᱤᱫᱷᱟᱭ ᱵᱮᱱᱟᱣ ᱠᱮᱫ-ᱟ ᱑᱘᱕᱐ ᱠᱷᱚᱱ ᱑᱙᱐᱐ ᱥᱟᱞᱮ ᱵᱷᱤᱛᱤᱨ ᱨᱮ ᱾ ᱚᱱᱟ ᱨᱮᱱᱟᱜ ᱢᱩᱬ ᱥᱴᱮᱥᱚᱱ ᱫᱚ ᱞᱚᱱᱰᱚᱱ ᱨᱮᱜᱮ ᱟᱨ ᱦᱚᱨ ᱫᱚ ᱢᱟᱨᱟᱝ ᱵᱨᱤᱴᱮᱱ ᱥᱟᱶ ᱠᱷᱚᱸᱡᱟ ᱦᱟᱠᱟᱱᱟ ᱾ ᱚᱸᱰᱮ ᱢᱚᱬᱮ ᱜᱚᱴᱟᱝ ᱢᱟᱨᱟᱝ ᱠᱚᱢᱯᱟᱹᱱᱤ ᱛᱟᱦᱮᱸ ᱠᱟᱱᱟ, ᱤᱠᱷᱟᱹᱱ ᱱᱮᱛᱟᱨ ᱫᱚ ᱩᱱᱠᱩ ᱡᱟᱹᱛᱤᱭᱟᱹᱨ ᱨᱮᱞ ᱱᱮᱴᱣᱟᱨᱠ ᱮᱱᱟ ᱾
ᱚᱸᱰᱮ ᱢᱚᱬᱮ ᱜᱚᱴᱟᱝ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜ-ᱟ, ᱚᱱᱟ ᱢᱩᱸᱫ ᱠᱷᱚᱱ ᱢᱤᱫᱴᱟᱝ ᱫᱚ ᱱᱟᱜᱟᱨ ᱛᱟᱞᱟ ᱨᱮ ᱢᱮᱱᱟᱜ-ᱟ (ᱞᱚᱱᱰᱚᱱ ᱱᱟᱜᱟᱨ ᱩᱰᱟᱹᱱ ᱰᱟᱹᱦᱤ) ᱾ ᱱᱚᱸᱰᱮ ᱵᱨᱤᱝᱜᱷᱚᱢ ᱠᱮᱱᱟᱞ ᱢᱮᱱᱟᱜ-ᱟ, ᱱᱚᱣᱟ ᱛᱮᱦᱚᱸ ᱟᱱᱟᱜᱚᱱᱟ ᱦᱩᱭᱩᱜ ᱠᱟᱱᱟ ᱾ ᱵᱟᱹᱲᱛᱤ ᱵᱮᱵᱷᱟᱨᱚᱜ ᱠᱟᱱ ᱩᱰᱟᱹᱱ ᱰᱟᱹᱦᱤ ᱫᱚ ᱜᱩᱭᱩᱜ ᱠᱟᱱᱟ ᱦᱮᱛᱷᱨᱚ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱢᱮᱱᱠᱷᱟᱱ ᱱᱚᱣᱟ ᱫᱚ ᱱᱟᱜᱟᱨ ᱠᱷᱚᱱ ᱱᱟᱥᱮ ᱥᱟᱦᱟ ᱨᱮ ᱢᱮᱱᱟᱜ-ᱟ ᱾
ᱢᱮᱴᱨᱚ ᱟᱨᱟᱵᱟᱝ ᱞᱚᱱᱰᱚᱱ ᱟᱱᱰᱟᱨᱜᱨᱟᱣᱩᱸᱰ ᱫᱚ ᱤᱞᱮᱨᱴᱨᱤ ᱴᱨᱮᱱ ᱫᱟᱹᱲ ᱨᱮᱱᱟᱜ ᱵᱮᱵᱚᱥᱛᱟ ᱠᱟᱱᱟ, ᱡᱟᱦᱟᱸ ᱫᱚ ᱞᱚᱱᱰᱚᱱ ᱨᱮᱜᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱚᱛᱵᱷᱤᱛᱤᱨ ᱨᱮᱞᱦᱚᱨ ᱠᱟᱱᱟ ᱾ ᱱᱮᱣᱟ ᱫᱚ ᱑᱘᱖᱓ ᱥᱟᱞᱮ ᱠᱷᱟᱱ ᱫᱟᱹᱲ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱢᱮᱴᱨᱚᱯᱚᱞᱤᱴᱤᱭᱟᱱ ᱨᱮᱞ ᱞᱮᱠᱟᱛᱮ ᱾ ᱱᱚᱣᱟ ᱛᱟᱚᱢ ᱟᱭᱢᱟ ᱱᱟᱜᱟᱨ ᱨᱮ ᱱᱚᱣᱟ ᱥᱤᱥᱴᱚᱢ ᱠᱚ ᱱᱚᱠᱚᱞ ᱤᱫᱤ ᱠᱮᱫ-ᱟ, ᱫᱟᱹᱭᱠᱟᱹ ᱞᱮᱠᱟᱛᱮ ᱱᱤᱣ ᱭᱚᱨᱠ ᱟᱨ ᱢᱟᱰᱨᱤᱰ ᱾
ᱵᱟᱨᱦᱮ ᱡᱚᱱᱚᱲ
- London.gov.uk – Greater London Authority
- VisitLondon.com – Official London tourism site
- Transport for London (TfL) – city transport authority
- Museum of London
- British Pathé – Digitalised archive containing hundreds of films of 20th century London
- London in British History Online, with links to numerous authoritative online sources
- Map of Early Modern London – Historical map and encyclopaedia of Shakespeare's London
- "London", In Our Time, BBC Radio 4 discussion with Peter Ackroyd, Claire Tomalin and Iain Sinclair (28 September 2000)
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱞᱚᱱᱰᱚᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.