Хондурас

На север излегува на Карипското Море, додека на југ излегува на Тихиот Океан. На запад, Хондурас се граничи со Гватемала, на југозапад со Ел Салвадор и на југоисток со Никарагва.

Република Хондурас República de Honduras
Знаме Грб
Гесло: "Libre, Soberana e Independiente"(шпански) "Слободна, суверена и независна"
Химна: Национална Химна на Хондурас
Главен град		Тегусигалпа 14°6′N 87°13′W / 14.100° СГШ; 87.217° ЗГД / 14.100; -87.217
Најголем град		главниот град
Службен јазик		шпански
Народности		90% мешани 7% староседелци 2% црнци 1% белци
Демоним		Хондурашани (Хондурашанец/Хондурашанка)
Уредување		Република
•	Претседател	Хуан Орландо Эрнандес
•	Заменик претседател	Рикардо Альварес
Независност
•	од Шпанија	15 септември 1821
•	од Федерална Република во Средна Америка	31 мај 1838
Површина
•	Вкупна	112,492 км2 (102-ра)
Население
•	проценка за август 2009 г.	7.810.848 (93-та)
•	Попис 2000	6.975.204
•	Густина	64 жит/км2 (128-ма)
БДП (ПКМ)		проценка за 2008 г.
•	Вкупен	$32.779 милијарди
•	По жител	$4.275
БДП (номинален)		проценка за 2008 г.
•	Вкупно	$14.001 милијарди
•	По жител	$1.826
Џиниев коеф. (1992–2007)		55.3 висок
ИЧР (2013)		▬ 0.617 среден · 129та
Валута		Лемпира (HNL)
Часовен појас		CST (UTC-6)
Се вози на		десно
НДД		.hn
Повик. бр.		504

Поранешното име на државата било Шпански Хондурас, за да се разликува од поранешниот Британски Хондурас, денес Белиз. Вкупната површина на Хондурас изнесува 112.492 со вкупно население од 7.810.848 жители. Главен град на државата е Тегусигалпа, додека службен јазик е шпанскиот јазик.

Шпанците имале различни термини со кои ја означувале територијата која денес е позната како Хондурас.

• Гвајмурас - е име кое Колумбо го дал за град кој е во близина на денешен Трухиљо кој подоцна станало име за целата територија
• Хигуерас - е име кое се поврзува со плодови од дрвото Хикаро.
• Хондурас - на шпански буквално значи „длабочина“. Ова се поврзува со изреката на Кристофер Колумбо кој по излегувањето од Хондурас рекол: „Благодарам на Господ што излеговме од оваа длабочина“ (Gracias a Dios que hemos salido de esas Honduras).

 

Хондурас е држава во Северна Америка која на север излегува на Карипското Море, додека на југ излегува на Тихиот Океан. На запад, Хондурас се граничи со Гватемала, на југозапад со Ел Салвадор и на југоисток со Никарагва. Климата во државата е тропска, каде јужниот и централниот дел од земјата се релативно топли.

Територијата на Хондурас е воглавно составена од планини, но има и тесни долини покрај бреговите. Вкупната површина на Хондурас изнесува 112.492 км² каде живеат околу 7.810.848 жители. Главен град на Хондурас е Тегусигалпа.

Хондурас е претседателска република, каде претседателот е шеф на државата и на владата. Извршната власт во државата е во рацете на владата, додека законодавната власт е во рацете на Националниот конгрес на Хондурас. Политичкиот живот е под доминација на конзервативната Национална партија на Хондурас и на Либералната партија на Хондурас. Уставно, судската власт е независна.

 

Хондурас е поделен на 18 департмани, и тие се:

1. Атлантида
2. Чолутека
3. Колон
4. Комајагва
5. Копан
6. Кортес
7. Ел Параисо
8. Франсиско Моразан
9. Грасиjас а Диос
10. Интибука
11. Заливски Острови
12. Ла Паз
13. Лемпира
14. Окотепеке
15. Оланчо
16. Санта Барбара
17. Валjе
18. Јоро

Економијата на Хондурас е во поспор развој. Во последните години просечниот економски развој на земјата се проценил на 7% што ја направило земјата една од најбрзо растечките економии во Северна Америка, но сепак и денес околу 50% од населението живее во сиромаштија. Според Светската банка, Хондурас е една од трите најсиромашни држави во западната полутопка, по Хаити и Никарагва. Се проценува дека има околу 27.9% невработеност.

 

Според ЦИА, Хондурас има население од 7.48 милиони жители. Етнички гледано, населението на Хондурас е составено од околу 90% мешано население, 7% староседелско население, 2% црно население и 1% бело население.

Седумте признати староседелски етнички групи во Хондурас се:

• Чорти, мајански народ
• Гарифуна, кои зборуваат аравачки јазик
• Печи
• Толупани
• Ленка
• Мискито

Хондурас е христијанска земја, каде 97% се Католици и 3% се Протестанти. Службен јазик во државата е шпанскиот, но се зборуваат и локални јазици.

• Христијани - 6,657,600
• Муслимани - 7,600
• Без Религија - 798,000
• Будисти - 7,600
• Народна Религија - 83,600
• Други - 45,600

Хондурас има богата култура. Денес најпознат хондурски сликар е Хосе Антонио Велсакез, но и Карлос Гарај и Роке Зелаја. Двата најпознати хондурски писатели се Фројлан Туркиос и Рамон Амаја Амадор. Меѓу музичарите познати се Рафаел Коело Рамос, Лидија Хандал и други. Меѓу шпанско говорното население околу Хондурас, населението е познато како Катрачо или Катрача (женски), што се смета за комплимент.