Извршен директор (или главен извршен директор, крат.
ГИД; англ. CEО) е највисоко рангиран вработен во една корпорација, и кој ја има целосната контрола над претпријатието, организацијата или агенцијата. Во внатрешната комуникација и во вестите, многу претпријатија ја користат титулата ГИД, за луѓе од повисоките инстанци на претпријатието, иако тие луѓе имаат некоја сосема друга улога.
Во некои земји од Европската Унија, постојат два посебни одбори, еден извршен одбор на директори за секојдневно водење на претпријатието и еден надзорен одбор кој е избран од сопствениците. Во овие земји, извршниот директор ја има контролата над одборот на директори, додека претседателот ја има контролата над надзорниот одбор. Со ова се разграничува управувачкиот од одборот на сопственици (надзорници). Со ова се прави заштита од некаков конфликт на интереси
Вообичаено, извршниот директор има неколку помошници околу него, и секој од нив има посебни задолженија. Најчесто тоа се: Извршен финансов директор (chief financial officer (CFO)), извршен директор за операции (chief operating officer (COO)), извршен технички директор (chief technical officer (CTO)), извршен маркетинг директор (chief marketing officer (CMO)), извршен директор за информации (chief information officer (CIO)), и директор или заменик претседател, во одделот за човечки ресурси.
This article uses material from the Wikipedia Македонски article Извршен директор, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.