Ukraina

Ukraina jo Rusia kiniko samo-samo mamparabuikkan Samananjuang Krimea nan dicaplok dek Rusia pado taun 2014, meskipun damikian pulo Ukraina jo banyak komunitas internasional mangakuinyo sabagai bagian dari Ukraina. Basarta Krimea, Ukraina mampunyoi wilayah saloweh 603.628 km², nan mambueknyo sabagai nagara taluas di Eropa jo taluas ka-46 di dunia. Sadangkan populasi sajumlah 44,5 juta jiwa manjadikan Ukraina sabagai nagara bapanduduak tabanyak ka-32 di dunia.

Ukraina Україна Ukrayina (Ukraina)
Bandera Lambang
Lagu kebangsaan:  Ще не вмерла Українa Shche ne vmerla Ukraina
Nampakkan Bumi Nampakkan peta Eropa Lokasi  Ukraina  (ijau kalam) – di Eropa  (ijau & kulabu) – dalam Eropa Basatu  (ijau)
Ibu kota (dan kota paliang gadang)	Kiev 50°27′N 30°30′E / 50.450°N 30.500°E / 50.450; 30.500
Bahaso resmi	Ukraina
Pamarintahan	Republik semi-presidensial
• Presiden	Volodymyr Zelensky
• Pardana Mantari	Denys Shmyhal
• Katua Dewan Nasional	Ruslan Stefanchuk
Legislatif	Верховна Рада Verkhovna Rada
Pambantukan
• Rus Kiev	882
• Kerajaan Halych–Volynia	1199
• Nagara Rus	17 Agustus 1649
• Republik Rakyat Ukraina	7 November 1917
• Republik Sosialis Soviet Ukraina	10 Maret 1919
• Pandudukan Soviet di Ukraina Barat	15 November 1939
• Deklarasi kamardekaan	30 Juni 1941
• Kamardekaan dari Uni Soviet	24 Agustus 1991
• Konstitusi kini ko	28 Juni 1996
• Aia (%)	7
Populasi
- Pakiroan 2015	42.805.731 (32)
- Kapadatan	75/km2 (131)
PDB (KKB)	2015
- Total	$341.489 miliar (47)
- Per kapita	$7.989 (108)
PDB (nominal)	2015
- Total	$90.138 miliar (59)
- Per kapita	$2.199 (133)
Gini (2010)	25,6 randah
IPM (2013)	0,734 tinggi · 83
Mato uang	Hryvnia (₴) (UAH)
Zona wakatu	Wakatu Eropa Timur (EET) (UTC+2)
- Musim panas (DST)	UTC+3 (Wakatu Musim Paneh Eropa Timur (EEST))
Lajua kamudi	suok
Kode telepon	+380
Kode ISO 3166	UA
Ranah Internet	.ua dan .укр
lihek maota suntiang

Wilayah modern Ukraina alah dihuni sajak taun 32.000 SM. Pado zaman Partengahan, wilayah iko marupokan pusat tapontiang bagi kabudayaan Slavia Timur, jo nagara Rus Kiev yang kuek membontuak aleh jati diri bangso Ukraina. Satalah ketapacahannyo pado abad ka-13, wilayah iko diparlombakan, dikuasai, jo dipacah-balah adek babarapo kuaso, misalnyo Lithuania, Polandia, Kasultanan Utsmaniyah, Austria-Hongaria, jo Rusia. Sabuah rapublik kazaki muncua jo makmur pado abad ka-17 jo 18, tatapi wilayahnyo tabagi antara Polandia jo Imperium Rusia, nan kamudian sapanuahnyo manjadi miliak Rusia. Duo pariode kamardekaan nan singkek tajadi pado abad ka-20, nan pertamo manjalang akhis Parang Dunia I jo nan keduo iyolah pado masa Parang Dunia II, tatapi duo pariode iko barujuang pado takluk jo manyatuan wilayah-wilayah Ukraina ka dalam sabuah rapublik Soviet, situasi nan barlaku sampai taun 1991, ketiko Ukraina maraih kamardekaannyo dari Uni Soviet, sagara satelah pambubarannyo pado panghujuang Parang Dingin.

Satalah kamardekaan, Ukraina menyatokan diri sabagai nagara netral, tatapi masih mampartahankan kamitraan militer tabateh jo Federasi Rusia, nagara-nagara CIS lainnyo jo kamitraan jo NATO samanjak taun 1994. Pado dasawarsa 2000-an, pamarintah mulai condong kapado NATO, jo karojosamo nan mandalam jo aliansi nan talah disusun dek Rancana Karojo NATO-Ukraina nan ditandotangani pado taun 2002. Kamudian disapakati bahwa kahandak bergabuang ka dalam NATO handaknyo didahului jo sabuah jajak pandapek nasional pado maso nan akan datang. Mantan Presiden Viktor Yanukovych mamandang cukuiknya taraf karojosamo takini antaro Ukraina jo NATO, tanpa psralu manjadi anggota NATO. Pado taun 2013, protes malawan pamarintah Presiden Yanukovych pacah di tangah kota Kiev satalah pamerintah mambuek kaputusan untuak manghantian Parjanjian Asosiasi Ukraina-Uni Eropa jo manjalin hubungan ekonomi nan labiah akrab jo Rusia. Kaputusan iko mamicu galombang demonstrasi jo protes selamo babulan-bulan nan disabuik Euromaidan, nan mamuncak manjadi revolusi Ukraina 2014 nan berujuang pado taguliangnyo Yanukovych jo pambantuakan pamarintah baru. PAristiwa iko manimbuakan pancaplokan Krimea dek Rusia pado bulan Maret 2014, jo Parang di Donbass pado bulan nan samo; keduo-duonya masih balangsuang hinggo Mei 2016. Pado tanggal 1 Januari 2016, Ukraina bagabuang jo Kawasan Pardagangan Bebas Manyaluruh jo Mandalam jo Uni Eropa.

Ukraina alah sajak lamo manjadi pusat cadangan pangan dunia karano lahan partaniannyo nan laweh jo subur, Ukraina masih manjadi salah satu pangekspor tagadang biji-bijian ka dunia. Ekonomi Ukraina nan bamacam ragam, tamasuaklah sektor industri barek nan gadang, khususnyo di bidang panarbangan jo paralatan industri.

Ukraina iyolah nagara kasatuan nan babantuak republik nan manganut sistem semi presidensial jo trias politica: legislatif, eksekutif, dan yudikatif. Pusek nagara jo kota tagadangnyo inyo Kiev. Ukraina mamaliharo militer tagadang keduo di Eropa, satalah Rusia, jiko personel cadangan jo paramiliter ikuik dihituang. Nagara iko iyolah rumah dek 45,4 juta manusia (tamasuak Krimea), 77,8% di antaronyo iyolah bangso Ukraina badasar etnisitas, dituruik dek bangso Rusia nan manjadi minoritas dominan (17,3%) jugo bangso Rumania/Moldova, Belarus, Tatar Krimea, jo bangso Hongaria. Bahaso Ukraina iyolah bahaso resmi Ukraina; abjadnyo iyolah aksara kiril. Agamo utamo di nagara iko iyolah Katolik Ortodoks, nan sangaik mampangaruhi arsitektur, sastra, jo musik Ukraina.