Ny fiteny nôrveziana dia fiteny jermanika tenenina ao Nôrvezy izay nanam-pototra ara-tantara avy amin' ny fiteny nôroà tranainy, izay nampiasaina hatramin' ny Andro Taloha tany Skandinavia.
Ny Nôrveziana dia miantso ny fiteniny hoe norsk. Ny fiteny nôroà tranainy dia razana mivantan' ny fiteny danoà sy ny fiteny soedoà izay tenenina ankehitriny sady nisy akony azo tsapain-tanana amin' ny fiteny anglisy tranainy izay nipoiran' ny fiteny anglisy ankehitriny. Misy voambolana sasany izay azon' ny fiteny nôrmàna tranainy tamin' ny fiteny nôroà.
Ny fiteny nôrveziana ankehitriny dia miseho amin' ny endrika isam-paritra maro izay manana fahasamihafana mitovy amin' ny fahasamihafany amin' ny fiteny danoà sy ny fiteny soedoà. Misy fisehony samy ara-penitra roa ny fiteny nôrveziana, dia ny fiteny bôkmaly (bokmål) sy ny fiteny ninôrska (nynorsk).
Ireo fiteny roa ireo dia fiteny nôrveziana namboarina, ka ny voalohany (bôkmaly) dia manakaiky ny fitenim-paritra ao amin' ny faritra atsimo-atsinanana (faritr' i Oslo) fa ny faharoa kosa (ninôrska) dia manakaiky ny fitenim-paritra ao amin' ny morontsiraka andrefana. Arakaraka ny fanakaikezana ireo faritra ireo ny ampiasana ireo endri-piteny roa ireo amin' ny fanoratana.
Fiteny jermanika be mpiteny
This article uses material from the Wikipedia Malagasy article Fiteny nôrveziana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.