Conan Barbarus
Conan (-is, m; Anglice Conan the Barbarian) est praeclarus barbarus ficticius ab Americano auctore Roberto Ervino Howard inventus et persona mythistoriarum nec non nubeculatorum libellorum et pellicularum.
Describitur Conan grandis valentissimusque corpore, animo vero audax et taciturnus, ita ut paulum de se postulanti dicat nisi "Conan Cimmerius sum". Etenim scribit auctor patriam eius Cimmeriam esse, unam ex multis terris quibus ficticio Aevo Hyboriano mundus constaret.
De Conanis vita rebusque gestis
Narratur Conanem post Atlantidem perditam Cimmeria natum esse apud agrum ubi iuxta pugnatum erat. Ex quo sors eius: enim dum iuvenis, patria relicta, vi ingenioque valentibus, munera diversa agitat scilicet fur, miles mercennarius, pirata et plurimum pugnator. Armorum bellique peritus, nova complura per cunctas terras Hyborianas inveniens aliquando se ditem facit, sed dein omnibus mercedibus praedisque libenter expensis iterum famam mercedesque quaerit. Quadraginta circiter annos natus, in Aquiloniam maximum regnum Hyborianum pervenit ubi secunda tempestate regem occidit, se ipsum regem novum clamans.
De Conane in litteris
De Conane Robertus Ervinus Howard fabulas complures scripsit, quarum nonnullae initio in periodico Weird Tales editae sunt. Post auctorem obitum fabulae ab aliis scriptoribus expolitae in mythistorias confluxerunt, quae semel et saepius editae sunt. Editio a Lancer et Ace inter annos 1966 et 1977 mythistorias duodecim de Conanis rebus gestis comprehendit. Howard et tractatum de ficticio Aevo Hyboriano conscripsit.
Nexus interni
Nexus externi
 | Vicimedia Communia plura habent quae ad Conanem barbarum spectant. |
This article uses material from the Wikipedia Latina article Conan barbarus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.