Հնդկաստանի Միացյալ Ազգային Օրացույց
Հնդկաստանի միացյալ ազգային օրացույց, ստեղծվել է Հնդկաստանում XX դարի 1950-ականներին։ Ընդունվել է 1957 թվականի մարտի 22-ին։ Կիրառվում է հազվադեպ։
Նոր օրացույցի հիմքում ընկած է Սակա դարաշրջանը, որը լայնորեն օգտագործվում էր երկու հազարամյակների ընթացքում Հնդկաստանի բազմաթիվ օրացույցային համակարգերում։ Սակա դարաշրջանի 1892 թվականը համապատասխանում է Գրիգորյան օրացույցի 1970 թվականի մարտի 22-ից մինչև 1971 թվականի մարտի 21-ը ընկած տարուն։
Տարվա երկարությունը հավասար է արևադարձային տարվա երկարությանը, այսինքն 365 օր 5 ժամ 48 րոպե 46 վայրկյան։
Օրացույցը հասարակ տարում պարունակում է 365 օր, իսկ նահանջ տարում՝ 366:
Տարին սկսվում է գարնանային գիշերահավասարի հաջորդ օրից, որը համապատասխանում է Չայտրա ամսվա առաջին օրվան, և համընկնում է մարտի 21-ի հետ։
Տարին բաղկացած է 12 ամիսներից։ Նահանջ տարվա մեջ առաջին վեց ամիսները ունեն 31 օր, իսկ մնացածը՝ 30: Հասարակ տարվա մեջ առաջին ամիսը ևս ունի 30 օր։
ՆԱհանջ տարվա որոշման համար օգտագործվում է հետևյալ կանոնը. Սակա դարաշրջանի տարվան պետք է գումարել 78, և եթե ստացված թիվը բաժանվում է 4-ի առանց մնացորդ, ապա տարին նահանջ է։ Այսպես, Սակա դարաշրջանի 1890 թվականը, որը համապատասխանում է Գրիգորյան օրացույցի 1968—1969 թվականներին, և բավարարում է նշված պայմանին, ապա ամեն հաջորդ չորրորդ տարին նահանջ է։
| Ամսի համար | Ամսի անվանումը | Օրեր | Գրիգորյան օրացույցի օրերի հետ համապատասխանեցում |
|---|---|---|---|
| 1 | Չայտրա | 1—30/31 | 22/21 մարտ — 20 ապրիլ |
| 2 | Վայշակհա | 1—31 | 21 ապրիլ — 21 մայիս |
| 3 | Ջյեշտհա | 1—31 | 22 մայիս — 21 հունիս |
| 4 | Աշադհա | 1—31 | 22 հունիս — 22 հուլիս |
| 5 | Շրավանա | 1—31 | 23 հուլիս — 22 օգոստոս |
| 6 | Бхадра | 1—31 | 23 օգոստոս — 22 սեպտեմբեր |
| 7 | Աշվինա | 1—30 | 23 սեպտեմբեր — 22 հոկտեմբեր |
| 8 | Կարտիկա | 1—30 | 23 հոկտեմբեր — 21 նոյեմբեր |
| 9 | Ագրահայանա | 1—30 | 22 նոյեմբեր — 21 դեկտեմբեր |
| 10 | Պաուշա | 1—30 | 22 դեկտեմբեր — 20 հունվար |
| 11 | Մագհա | 1—30 | 21 հունվար — 19 փետրվար |
| 12 | Փհալգունա | 1—30 | 20 փետրվար — 21/20 մարտ |
Ծանոթագրություններ
Արտաքին հղումներ
This article uses material from the Wikipedia Հայերեն article Հնդկաստանի միացյալ ազգային օրացույց, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.