2022: Blein

Jerrey Geuree

• 1 Jerrey Geuree – Haink y Paarteeys Tarmaynagh Ooilley-ghoaillagh Ardjynagh 'stiagh ayns bree, yn ard seyr-chochionneeaght smoo 'sy theihll. Ta'n ard goaill stiagh yn Austrail, Brunei, y Chamboyd, y Çhapaan, y Çheen, y Çheer Thai, y Chorea Yiass, ny h-Ellanyn Philippeenagh, yn Indoneesh, y Laos, Myanmar, Singapore, y Teelynn Noa, y Valaysia, as y Vietnam.
• 15 Jerrey Geuree - Ren bruightey mooar Hunga Tonga, volcaan mooar fo-vooiragh 'sy Tongey, toshiaghey raaue tsunami 'syn Austrail, 'sy Chanadey, 'sy Çhillee, ayns Fiji, 'sy Çhapaan, 'sy Teelynn Noa, ayns Samoa, as ayns ny Steatyn Unnaneysit.

Toshiaght Arree

• 6 Toshiaght Arree – Ren y Venrein Ealisaid II kelloorey e "Jubilee Platinum", cowraghey 70 bleeaney myr Benrein y Reeriaght Unnaneysit.
• 21–24 Toshiaght Arree – Ren Eaghtyrane y Roosh Vladimir Putin fo-screeu slattys ren fogrey magh seyrsnys Phobblaght Heayagh Luhansk as Phobblaght Heayagh Donetsk voish yn Ookraan, as, dyn bwooise da deyrey as lhiettrimyssyn eddyr-ashoonagh, chur eh toshiaght rish slane ruegys er yn Ookraan; leah 'sy voghrey er 24 Toshiaght Arree woaill tilganeyn baljyn er feie'n Ookraan, goaill stiagh Kyiv, Lviv, Kharkiv, as Odesa.

Mayrnt

• 5 Mayrnt – Ren ronseyderyn 'syn Antarctagh feddyn yn Endurance, hie fo ushtey ayns 1915 car turrys-contoyrtys Ernest Shackleton.
• 7 Mayrnt – Pandemagh COVID-19: Hie lhieen ny merriu er feie ny cruinney voish COVID-19 ny s'yrjey na 6 millioonyn.

Averil

• 3 Averil – Ruegys Rooshagh er yn Ookraan: As forsaghyn Rooshagh cooyllaghey voish ardjyn faggys da Kyiv, ren yn Ookraan cassid er y Roosh bentyn rish kimmeeyssyn caggee, mastey cowraghyn dy ghunveryssyn neulhiettrimagh jeh shivoil, goaill stiagh traartys Bucha.

Boaldyn

• 12 Boaldyn – Ghow fwirran co-obbragh yn Event Horizon Telescope soilshaghey magh y chied jalloo jeh Sagittarius A*, yn towl doo sur-ghloutagh ec çheshvfean Raad Mooar Gorree.

Mean Souree

• 4 Mean Souree – Va'n aa-ghineraal Bajram Begaj reiht myr y 9oo Eaghtyrane er yn Albaan liorish y pharlamaid 'sy chiarroo bout jeh'n reihys.

Jerrey Souree

• 8 Jerrey Souree – Va aa-Ard-vinishter y Çhapaan Shinzo Abe marrooit tra v'eh loayrt ec oraaid heayagh ayns Nara, y Çhapaan.
• 11 Jerrey Souree – Va'n chied jalloo obbree voish Fodreayrtan Spoar James Webb anchoodit da'n phobble as eh taishbyney yn dossan co-rollageyssyn SMACS 0723.

Luanistyn

• 12 Luanistyn – Va Salman Rushdie, y noaskeealagh Goaldagh-Americaanagh va ruggit 'syn Injey, saiht ram keayrtyn as eh er çhee leaght theayagh y chur ec Undinys Chautauqua ayns Chautauqua, York Noa, ny Steatyn Unnaneysit.

Mean Fouyir

• 1 Mean Fouyir – Skeayll ny h-Ashoonyn Unnaneysit tuarystal ta gra foddee dy vel campyn pryssoonys Xinjiang as kynney-ghunverys ny Uyghuree liorish reiltys y Çheen nyn gimmeeyssyn noi'n çheelnaue.
• 8 Mean Fouyir – Hooar Benrein Ealisaid II y Reeriaght Unnaneysit as 14 rheaymyn y Cho-unnaneys baase ayns Cashtal Balmoral ayns Nalbin as ee 96 bleeaney d'eash. Haink e mac Çhalse III y Reeriaght Unnaneysit stiagh ayns e ynnyd myr Ree.

Jerrey Fouyir

• 8 Jerrey Fouyir – Ruegys Rooshagh er yn Ookraan: Haghyr bleaystey er Droghad y Chrimeea ta kiangley yn Chrimeea rish y Roosh. Varr yn bleaystey troor as haghyr lieh-huittym jeh'n ynrican raad eddyr y lieh-innys as y Roosh myr eiyrtys.

Sauin

• 11 Sauin – Ruegys Rooshagh er yn Ookraan: Ren forsaghyn Ookraanagh seyrey Kherson, yn ynrican preeu-valley queiggagh va goit ec y Roosh voish toshiaght y chaggey.
• 20 Sauin–18 Nollick – Haghyr Cappan FIFA y Theihll, 2022 'sy Chatar as v'eh cosnit ec yn Argenteen.
• 30 Sauin – Skeayll OpenAI magh ChatGPT, bot cowag far-inçhynagh foddee feyshtyn y eaysley as traghtyn y screeu.

Mee ny Nollick

• 5 Nollick – Ren y National Ignition Facility cooilleeiney lossey co-lheie, clagh meeilley mooar ayns lhiassaghey bree co-lheie çheshveanagh.

Jerrey Geuree

• 6 Jerrey Geuree
  • Peter Bogdanovich, stiureyder fillym Americaanagh (r. 1939)
  • Sidney Poitier, aghteyr, sheerloayreyder as ambasseydeyr Bahaamagh-Americaanagh (r. 1927)
• 13 Jerrey Geuree – Jean-Jacques Beineix, stiureyder fillym Frangagh (r. 1946)
• 16 Jerrey Geuree – Ibrahim Boubacar Keïta, 5oo Eaghtyrane as 6oo Ard-vinishter Valee (r. 1945)
• 18 Jerrey Geuree - Y Reejerey David Cox, staddyseyr Sostynagh (r. 1924)
• 19 Jerrey Geuree - Gaspard Ulliel, aghtyer Frangagh (r. 1984)
• 20 Jerrey Geuree - Meat Loaf, arraneydyer as aghteyr Americaanagh (r. 1947)
• 22 Jerrey Geuree – Thích Nhất Hạnh, maynagh Buddhagh as immeaghtagh shee Vietnamagh (r. 1926)