जनवरी: महीना के नाँव

पहिली जनवरी के दुनियाँ भर के बहुत सारा देसन में नया साल के उपलक्ष में न्यू इयर्स डे मनावल जाला। प्रमुख भारतीय तिहुआर खिचड़ी 14 जनवरी के आ भारत के गणतंत्र दिवस 26 जनवरी के पड़े ला। महात्मा गांधी के हत्या 30 जनवरी के भइल रहल जेकरा के शहीदी दिवस के रूप में मनावल जाला।

जनवरी एह महीना के नाँव के अंग्रेजी भाषा से देवनागरी लिपि में बदलाव हवे। भोजपुरी इलाका में एकर उच्चारण जनौरी चाहे जनउरी भी होखे ला। मूल अंग्रेजी में एकर उच्चारण जॅन्युअरी चाहे जैन्युअरी होखे ला।

अंग्रेजी के शब्द के मूल लातीनी (लैटिन) भाषा के आइनारियस शब्द हवे; रोमन कथा सभ के देवता जॉनस चाहे आयनस के नाँव के आधार पर जे शुरुआत आ बदलाव के देवता हवे।