Выбарчая Акруга
Выбарчая акруга — тэрыторыя, ад якой выбаршчыкамі выбіраецца дэпутат (дэпутаты) прадстаўнічага органа або выбарная службовая асоба (выбарныя службовыя асобы).
Выбары прэзідэнта краіны праводзяцца па адзінай выбарчай акрузе, якая складае ўсю тэрыторыю гэтай краіны.
Як правіла, толькі выбаршчыкі, якія пражываюць у межах выбарчай акругі, могуць галасаваць на выбарах, якія там праводзяцца.
Віды выбарчых акруг
Вылучаюць наступныя віды выбарчых акруг:
- адзіная выбарчая акруга — выбарчая акруга, якая ўключае ў сябе ўсю тэрыторыю, ад якой абіраецца службовая асоба альбо на якой праводзяцца выбары ў прадстаўнічы орган па прапарцыйнай выбарчай сістэме па спісах кандыдатаў;
- аднамандатная выбарчая акруга — выбарчая акруга, ад якой абіраецца адзін дэпутат, пры гэтым галасаванне можа быць арганізавана па мажарытарнай выбарчай сістэме адноснай большасці ці абсалютнай большасці;
- шматмандатная выбарчая акруга — выбарчая акруга, у якой абіраюцца некалькі дэпутатаў, і за кожнага з іх выбаршчык галасуе персанальна, пры гэтым галасаванне можа быць арганізавана па блокавай сыстэме, сістэме абмежаванага вотуму, сістэме адзінага неперадавальнага голаса.
Гл. таксама
This article uses material from the Wikipedia Беларуская article Выбарчая акруга, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.