Wierheid is in fûneminteel begryp dat min ofte mear synonym is mei echtheid, jildichheid, justheid.
As immen mei opsetsin ûnwierheid sprekt liicht hy.
Wat wierheid krekt betsjut is ûnderwerp fan diskusje, en dat hat grif net altiten sa west. Iuwenâlde útspraken as Wat is wierheid?! (taskreaun oan Pontius Pilatus) tsjûgje dêr al fan. Dat komt omdat de wierheid fan in útspraak allinnich fêststeld wurde kin troch dy te toetsen oan de feiten, dy't llykwols net altiten bekend binne.
Wierheden kinne in beperkte jildichheid hawwe, ôfhinklik fan it referinsjekader: de útspraak '1 en 1 is 2' is jildich foar getallen út it desimale stelsel, mar net foar binêre getallen. Op deselde manier kin in wierheid persoansôfhinklik wêze: de útspraak 'fisk is lekker' jildt foar de ien al, foar de oar net. De útspraak: 'persoan A mei graach fisk' hâldt dêr rekken mei.
It tsjinstelde fan relativisme by it begryp wierheid, binne positivistyske opfettings wêrmei't der bygelyks nei in "oerkoepeljende wierheid" stribbe wurde kin om foar it each tsjinstridige wierheden (of aksioma's) op in heger niveo mei elkoar te fersoenen.
Boarnen, noaten en/as referinsjes: |
|
This article uses material from the Wikipedia Frysk article Wierheid, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.