Wieger Hendrikus Idzerda
Wieger Hendrikus Idzerda (Raard, 13 augustus 1816 - Den Haach, 6 desimber 1881) wie in Nederlânsk politikus.
Hy wie in soan fan Hendrikus Reneman Idzerda, genêshear en froedmaster, en Jeltje Wygers Dykstra. Idzerda troude op 13 febrewaris 1861 mei de 20-jierrige Pompeja Johanna Diederik (Meppel, 1840- Den Haach, 1903). Hy wie earder troud mei Geesje Tijl yn Grins.
Idzerda wie in út it Akkrum ôfkomstige dokter dy't yn de Twadde Keamer optrede as deskundige op it mêd fan folkssûnens. Yn it earstoan wie hy ôffurdige foar it distrikt Ljouwert, letter foar Snits (1858-1865) en (1869-1881). Yn de tuskentiid wie hy genêskundich ynspekteur yn Noard-Nederlân. Hy wie in oertsjûge Thorbeckiaan, dy't ek opkaam foar de Fryske belangen. Ek hat er keamerhear fan kening Willem III west. Yn Akkrum is in strjitte nei him ferneamd.
| Boarnen, noaten en/as referinsjes: |
|
This article uses material from the Wikipedia Frysk article Wieger Hendrikus Idzerda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.