Wesley C. Dykstra
Wesley Calvin Dykstra (Súd-Dakota, 16 desimber 1922 – Cleveland (Ohio), 16 desimber 2008) wie in Amerikaansk predikant en heechlearaar filosofy fan etnysk Frysk komôf.
| Wesley C. Dykstra | ||
| persoanlike bysûnderheden | ||
| echte namme | Wesley C. Dykstra | |
| nasjonaliteit |  Amerikaansk | |
| berne | 16 desimber 1922 | |
| berteplak | ? (Súd-Dakota) | |
| stoarn | 16 desimber 2008 | |
| stjerplak | Cleveland (Ohio) | |
| etnisiteit |  Frysk | |
| wurkpaad | ||
| berop/amt | predikant, filosoof | |
| aktyf as | heechlearaar | |
| jierren aktyf | 1946 – 1987 | |
Libben en karriêre
Dykstra waard yn 1922 berne yn 'e Amerikaanske steat Súd-Dakota, as de soan fan 'e yn Nederlânske ymmigrantefermiddens yn 'e Feriene Steaten bekende útjouwer, skriuwer en predikant Broer Doekeles Dykstra (1871-1955) en dy syn frou Nellie Schippers (1890-1975).
Nei't er yn 1946 ôfstudearre wie oan it Hope Kolleezje yn Holland, yn 'e steat Michigan, learde Dykstra fierder oan it Western Theological Seminary yn Holland, en oanslutend died er in doktorale stúdzje oan it Union Theological Seminary yn New York.
Hy wurke neitiid ferskate jierren as heechlearaar filosofy oan it Muskingum Kolleezje yn New Concord, yn Ohio, oant er yn 1958 yn dyselde posysje oansteld waard oan it Alma Kolleezje yn Alma (Michigan). Yn 1985 naam er ôfskie as heechlearaar, mar Dykstra bleau oan it Alma Kolleezje ferbûn oant syn pinsjoen, yn 1987. Neitiid bleau er yn Alma wenjen, mar hy kaam yn 2008 te ferstjerren yn Cleveland Clinic yn Cleveland, yn 'e âlderdom fan 86 jier. Hy hie gjin bern.
| Boarnen, noaten en/as referinsjes: |
This article uses material from the Wikipedia Frysk article Wesley C. Dykstra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.