Hynder Wabe
Wabe (1991 – 2015) wie in Fryske hynst dy't bekendheid krige troch syn rol yn ferskate films en tillefyzjesearjes.
| Wabe | ||
| bysûnderheden | ||
| soarte bist | hynder (Fries) | |
| berne | 1991 | |
| berteplak |  Nederlân | |
| deagien | july 2015 | |
| stjerplak |  Nij-Seelân | |
| aktyf as | dekhynst, dressuerhynder, filmhynder | |
| reden bekendheid | brûkt foar ferskate bekende films en tillefyzjesearjes | |
Libben
Wabe waard yn 1991 yn Nederlân smiten, mar waard letter nei Skotlân ta ferkocht, dêr't er ferskate jierren lang dekhynst wie. Yn 2004 waard er kocht troch de mem fan 'e Nijseelânske amazône Hayley Moore, dy't him beried by dressuerwedstriden. Wabe wie de earste Fries dy't dêr yn Nij-Seelân oan meidie, en loek gâns besjoch.
Under ien fan dy wedstriden foel er op by de makkers fan 'e film The Chronicles of Narnia, dy't in grut swart hynder mei folle moanjes sochten. Sadwaande rekke Wabe belutsen by it meitsjen fan dy film, en letter wied er ek te sjen yn û.m. de film Underworld, en de tillefyzjesearje Legend of the Seeker. Wabe sels genoat fan alle oandacht dy't er krige. Neffens Moore wied er in útslover, dy't krekt ekstra syn bêst die as er wist dat der nei him sjoen waard.
Wabe gie mids july 2015 dea, doe't er 24 jier wie. De Moores begroeven him op harren eigen lân yn Nij-Seelân, njonken in foege beek. Boppe-op it grêf planten se in magnoaljebeam.
| Boarnen, noaten en/as referinsjes: |
|
This article uses material from the Wikipedia Frysk article Wabe (hynder), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.