Victoria Slim
Victoria Slim, echte namme ûnbekend (Boedapest, 5 febrewaris 1980), is in rêstend Hongaarsk neakenmodel en pornografysk aktrise, dy't ek wol wurke hat ûnder de artystenammen Linda Fernandez, Elena Guerra, Leslie, Lydia, Lynda, Nikki, Sandra Rubin, Linda Shame, Linda Shane, Linda Slam, Victoria Slem, Victoria Slew, Linda Slim en Victoria.
Hja sette yn 2004 útein mei in wurkpaad yn sawol de Jeropeeske as de Amerikaanske pornoyndustry, en spile yn frijwat films. Yn 2014 beëinige Slim har karriêre as pornoaktrise.
| Victoria Slim | ||
 persoan yn de seksyndustry | ||
 | ||
| persoanlike bysûnderheden | ||
| oare artyste- nammen | Linda Fernandez, Elena Guerra, Leslie, Lydia, Lynda, Nikki, Sandra Rubin, Linda Shame, Linda Shane, Linda Slam, Victoria Slem, Victoria Slew, Linda Slim, Victoria | |
| echte namme | ûnbekend | |
| nasjonaliteit |  Hongaarsk | |
| berne | 5 febrewaris 1980 | |
| berteplak | Boedapest (Hongarije) | |
| etnisiteit | Hongaarsk | |
| wurkpaad | ||
| wurksum as | neakenmodel, pornoaktrise | |
| jierren aktyf | 2004 – 2014 | |
| offisjele webside | ||
| gjint | ||
Libben en karriêre
Victoria Slim waard nei alle gedachten op 5 febrewaris 1980 berne yn 'e Hongaarske haadstêd Boedapest, hoewol't ien boarne as har bertedatum 8 april 1984 oanhâldt. Yn 2004, doe't se 24 jier wie, makke se har debút as aktrise yn in pornografyske film.
Under har karriêre wie Slim aktyf yn sawol de Jeropeeske as de Amerikaanske pornoyndustry. Neffens de Internet Adult Film Database (IAFD) spile se yn totaal yn 77 films, wêrfan in stikmannich foar de Sweedske Private-studio, en ferskate foar sokke foaroansteande Amerikaanske labels as Evil Angel, New Sensations, Anabolic Video, Devil's Film, Zero Tolerance en Digital Sin.
Fierders wie Slim ek wol yn 't spier foar pornowebsiden op it ynternet, lykas Reality Kings, en foar minder bekende studio's, wêrûnder Pure Play Media, Legend Video, Metro, Third Degree Films en Platinum X Pictures. Se wurke gear mei manlike tsjinspilers as Mick Blue, Erik Everhard, Frank Gun, Steve Holmes, Nick Lang, Jean-Yves Lecastel, David Perry, Zenza Raggi, Toni Ribas en Leslie Taylor. Yn 2014 loek se har nei in wurkpaad fan tsien jier út 'e pornoyndustry werom.
Lichemsskaaimerken
Victoria Slim is blank, mei grize eagen en brún of dûnkerblond hier. Neffens har offisjele opjefte is se 1.65 m lang, mei in gewicht fan 52 kg, en in natuerlike kupmaat 36A. Behalven troch har earlellen hat se gjin piercings. wol hat se in tatoeaazje fan in hynstekop op har búk, skean loftûnder har nâle.
Keppelings om utens
- (in) Biografy en filmografy fan Victoria Slim yn 'e Internet Movie Database (IMDb)
- (in) Biografyske gegevens en filmografy fan Victoria Slim yn 'e Internet Adult Film Database (IAFD)
- (in) Biografyske gegevens fan Victoria Slim op FreeOnes
| Boarnen, noaten en/as referinsjes: |
| |
This article uses material from the Wikipedia Frysk article Victoria Slim, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.