Unfettered is in blomlêzing yn 'e foarm fan in ferhalebondel, gearstald troch de Amerikaanske redakteur Shawn Speakman.
De titel betsjut "Befrijd fan Boeiens". De bondel omfettet 23 of 24 koarte ferhalen fan it fantasysjenre. De ferhalen binne skreaun troch foaroansteande auteurs as Jacqueline Carey, Tad Williams, Naomi Novik, Robert Jordan en Brandon Sanderson. Alle ferhalen út Unfettered waarden yn dizze bondel foar it earst publisearre, hoewol't de measten neitiid troch de respektivelike skriuwers op 'e nij útjûn binne yn eigen ferhalebondels. Unfettered waard yn 2013 yn 'e Feriene Steaten publisearre troch de útjouwerij Grim Oak Press, mei in omslach makke troch Todd Lockwood. Yn 2014 folge in werútjefte troch Orbit Books yn it Feriene Keninkryk, Austraalje en Nij-Seelân. Yn 2016 publisearre deselde redakteur de ferhalebondel Unfettered II.
Unfettered | ||
algemiene gegevens | ||
auteur | Shawn Speakman (red.) | |
taal | Ingelsk | |
foarm | ferhalebondel | |
sjenre | fantasy | |
1e publikaasje | 2013, Seattle | |
oarspr. útjwr. | Grim Oak Press (Feriene Steaten) Orbit Books (ynternasjonaal) | |
kodearring | ||
ISBN | 978-0 98 47 13 639 |
By de redakteur fan Unfettered, Shawn Speakman, waard yn 2011 kanker fêststeld. Hy oerlibbe de sykte, mar lykas in protte Amerikanen hied er gjin syktekostefersekering, en sadwaande bleau er efter mei in skuld fan goed $200.000 op it mêd fan sikehûskosten. Dy betelle er ôf troch Unfettered te publisearjen, dêr't mear as tweintich oare auteurs en omslachkeunstner Todd Lockwood gehiel belangeleas bydragen oan leveren.
Boarnen, noaten en/as referinsjes: |
|
This article uses material from the Wikipedia Frysk article Unfettered, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.