Uitgeverij Luitingh-Sijthoff

De útjouwerij is yn 1989 ûntstien troch in fúzje fan A.W. Sijthoff's Uitgeversmaatschappij, dy't yn 1851 oprjochte wie troch Albertus Willem Sijthoff, en Uitgeverij Luitingh, dy't bestie sûnt 1947. Yn 'e mande mei ferskate oare Nederlânske útjouwerijen, wêrûnder Uitgeverij Contact en Kosmos Uitgevers, heart Utjouwerij Luitingh-Sijthoff ta útjouwersgroep VBK.

Uitgeverij Luitingh-Sijthoff
algemien
nasjonaliteit	Nederlânsk
type	privaat
sektor	útjouwerij
haadkertier	Amsterdam (Noard-Hollân)
oprjochte	1989
eigner	VBK
fuortk. út	A.W. Sijthoff's Uitgeversmij Uitgeverij Luitingh
offisjele webside
www.luitingh-sijthoff.nl

Luitingh-Sijthoff publisearret ûnder de folgjende ymprints:

• Luitingh: spannende fiksje en non-fiksje fan skriuwers as Dan Brown, Michael Crichton, Stephen King, Dean Koontz en Robert Ludlum
• Uitgeverij Sijthoff: romans fan benammentlik froulike auteurs as Jill Mansell en Danielle Steel, en skrillers fan skriuwers as John le Carré en Agatha Christie
• Luitingh Fantasy (sûnt 1992): science fiction en fantasy fan skriuwers as Robin Hobb, Robert Jordan en George R.R. Martin
• Uitgeverij L (sûnt 2005): stripboeken fan auteurs as Eric Heuvel, Martin Lodewijk en Hein de Kort, en graphic novels fan û.o. Osamu Tezuka
• Uitgeverij Mouria: literêre romans fan skriuwers as Alaa Al Aswani en William Boyd
• Poema-pockets: werútjeften op pocket-formaat fan populêre titels fan û.o. Dan Brown, Stephen King, Robert Ludlum, Jill Mansell en Danielle Steel

Yn 2013 naam Uitgeverij Luitingh-Sijthoff it inisjatyf om Inferno, de nijste bestseller fan 'e Amerikaanske skriuwer Dan Brown, yn it Frysk út te bringen. Dêrta waard kontakt lein mei skriuwer en dichter Abe de Vries, om it boek oer te setten. De resultearjende fertaling, Ynferno, kaam begjin desimber út yn in oplaach fan 3.000 eksimplaren. Luitingh-Sijthoff wie hjirmei de earste lanlike útjouwerij dy't him op 'e Frysktalige merk bejoech.

• (ned) Offisjele webside fan Utjouwerij Luitingh-Sijthoff