Twinte
Twinte (Nedersaksysk: Tweante, Twente) is in goa yn it easten fan Nederlân, dat it eastlike diel fan de provinsje Oerisel beslacht, mei it by Gelderlân hearrende Rietmolen.
De bewenners hjitte Twintenaren of (ynformeel) Tukkers. Yn it westen en noarden grinzet it oan de ek Oeriselske goa Salland (wêrby't de Regge by Nijverdal de grins foarmet), yn it suden oan de Achterhoeke (provinsje Gelderlân), yn it súdeasten oan de Dútske Kreis Borken en yn it easten en noarden oan de ek Dútske Greefskip Bentheim, dêr't de Dinkel as natuerlike grins beskôge wurdt.
Etymology
Yn âlde geskriften is Twinte efterelkoar werom te finen as Tuianti (797), Tueanti (799), Thuehenti (851), Tuente (11e iuw) en op it lêst Twente of Twenthe.
Foar de ôfkomst fan dy namme binne twa teoryen gongber. De earste en âldste giet werom oant de 16e iuw doe't Twinte identifisearre waard as it wengebiet fan de Germaanske stam de Tubanten dy't bekend wie út de Romeinske âldheid.
De twadde teory is basearre op de gelikenis tusken de nammen Twente en Drinte. Sa't de namme Drinte ôflaat is fan it telwurd trije, wurdt by Twente tocht oan it wurd twa. Foar de alfte of tolfte iuw grinzen de goaen Drinte en Twinte noch oan elkoar.
This article uses material from the Wikipedia Frysk article Twinte, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.