Transept
In transept is it boudiel fan in tsjerke dat yn in rjochthoekige posysje dwers op it haadskip stiet.
It transept wurdt dêrom ek wol dwersskip neamd. Fakentiden foarmet it transept de oergong fan it haadskip nei it koer. As in tsjerke in transept hat, dan kriget it oerflak fan it gebou de foarm fan in latynsk krús. As fanút de krusing alle fjouwer rjochtings fan it tsjerkegebou like lang binne, kriget it gebou in plattegrûn fan in gryksk krús. Der wurdt dan ek fan in sintraalbou praat.
It plak dêr't it skip en it dwersskip by inoar komme wurdt krusing neamd. Sûnt de liturgyske feroarings fan it Twadde Fatikaanske Konsylje is it yn katolike tsjerken de lokaasje dêr't de alterromte plak krige en dêr't de preester de missen opdraacht. Sintraal boppe de krusing, dêr't de daknaden fan it haadskip en it transept inoar snije, stiet fakentiden in krusingstoer.
By in tradisjonele eastlike oriïntaasje fan de tsjerke is fanút de krusing it transept ferdield yn in súdlike en noardlike dwers- of krúsearm. Somtiden binne oan de eastlike kant fan de transeptearms apsissen oanboud.
Gruttere tsjerken hawwe somtiden twa transepten, itjinge benammen foarkomt by de Ingelske goatyske katedralen.
| Boarnen, noaten en/as referinsjes: | ||
|
This article uses material from the Wikipedia Frysk article Transept, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.