Ton Alberts

Ton Alberts
persoanlike bysûnderheden
echte namme	Anton Carel Alberts
nasjonaliteit	Nederlânsk
berne	6 july 1927
berteplak	Antwerpen
stoarn	16 augustus 1999
stjerplak	Amsterdam
wurkpaad
berop/amt	Arsjitekt

Doe't er noch jong wie is Ton Alberts nei Amsterdam ferhûze. Dêr gong er nei de Akademy fan Boukeunst, in stúdzje dêr't er yn 1954 klear mei wie. Oant 1974 wurket er as dosint foar de akademy en dêrneist is er arsjitekt foar it buro fan Ben Merkelbach.

Letter begjint er yn 'e mande mei Max van Huut in arsjitekteburo mei de namme 'Alberts & van Huut'. Tegearre wienen sy de promoters foar it organysk bouwen. Sy binne benammen ferneamd wurden troch it ûntwerp fan it haadkantoar fan de NMB-bank (no ING Bank) boud yn 1987 yn Amsterdam Sudeast en it kantoar fan de Gasuny yn Grins.

Alberts hat syn fergese tsjinst ek oanbean foar it ûntwerpen fan de Fredesparken yn Bosnje en Herzegovina, mar moast it litte by wat sketsen om't er koart dêrnei kaam te ferstjerren. Wol is it Fredesflam-Hûs yn Tuzla, in mienskipssintrum, neffens syn tekeningen boud. It hûs is in geskink fan de Peace Flame Foundation Netherlands.

•  
  Gasunygebou yn Grins
•  
  Haadkantoor ING yn Amsterdam
•  
  Gemeentehûs Teksel
•  
  Gemeentehûs Buren
•  
  De Waal yn Utert
•  
  Haadkantoor DSB-bank

• Nederlânske Arsjitekten

• Officiële website Alberts & van Huut