Anton M.J.
(Tom) Gehrels (Haarlimmermar, 21 febrewaris 1925 – Tucson, 11 july 2011) wie in Amerikaansk astronoom fan Nederlânsk komôf.
Tom Gehrels | ||
Tom Gehrels yn 1974 | ||
persoanlike bysûnderheden | ||
berne | 21 febrewaris 1925 | |
berteplak | Nederlân, gemeente Haarlimmermar | |
stoarn | 11 july 2011 (86 jier) | |
stjerplak | Feriene Steaten, Tucson | |
etnisiteit | Nederlânsk | |
wurkpaad | ||
berop/amt | Astronoom | |
reden bekendheid | Undersyk nei planetoïden en kometen | |
offisjele webside | ||
Gjin hiemside |
Yn 'e mande mei Kees van Houten en dy syn frou Ingrid van Houten-Groeneveld hat er tûzenen planetoïden en kometen ûntdutsen. Boppedat hat er in soad boeken skreaun en hat er tegearre mei de Amerikaanske astronoom Bob McMillan it projekt Spacewatch opset. Yn 2007 krige er de Masursky Award. Gehrels joech ienris yn it jier les yn Yndia dêr't er ferbûn wie oan it Physical Research Laboratory yn Ahmedabad.
Gehrels groeide op yn Halfweg en wie yn de Twadde Wrâldoarloch aktyf yn it ferset. Nei't er nei Ingelân ûntkommen wie, waard er per parasjute weromstjoerd as organisator foar Special Operations Executive (SOE) dy't sabotaazjeaksjes tsjin de Dútske striidkrêften útfierde.
Nei de oarloch studearre er stjerrekunde oan de Ryksuniversiteit Leien. Yn it begjin fan de jierren '50 emigrearre Gehrels nei de Feriene Steaten. Dêr studearre er oan de Universiteit fan Chicago fierder. Op it lêst ferbûn er him oan it Lunar and Planetary Laboratory yn Tucson, Arizona. Fanwegen de groei fan de stêd en de dêrmei mank geande ljochtfersmoarging, waard yn de jierren '60 in nije lokaasje foar waarnimmingen socht. De Steward Observatory waard boud op Kitt Peak. Op Gehrels' inisjatyf wie it de earste stjerrewacht dy't útrist waard mei in CCD.
De lêste jierren fan syn libben hâlde Gehrels him benammen dwaande mei teoretyske fraachstikken.
Syn soan Neil Gehrels (1952) is astrofysikus.
Boarnen, noaten en/as referinsjes: |
|
This article uses material from the Wikipedia Frysk article Tom Gehrels, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.