Tolsteeg en Rotsoord is in buert yn de wenwyk Súd, ûnderwyk Oud Hoograven/Tolsteeg, yn de Nederlânske stêd Utert.
Tolsteeg en Rotsoord | ||
Lokaasje fan de wyk Tolsteeg en Rotsoord yn de gemeente Utert | ||
Polityk | ||
Lân | Nederlân | |
Provinsje | Utert | |
Gemeente | Utert | |
Plak | Utert-Súd | |
Sifers | ||
Ynwennertal | 3.308 (2010) | |
Oar | ||
Postkoade | 3523 | |
Koördinaten | 52° 4' NB, 5° 7' EL | |
Offisjele webside | ||
https://www.utrecht.nl/zuid/ |
De buert leit tusken de Vaartse Rijn yn it westen, Watervogelbuurt yn it noarden, Waterlinieweg yn it easten en Hoograven yn it suden. Tolsteeg hat in ferbining mei de A12/Ring Utert oer de ôfslach Hoograven.
Doe't Utert yn 1122 stedsrjochten krige waarden der grêften, wâlen en muorren om de stêd hinne boud. Tagongspoarten beane tenei de tagong ta de stêd. Fuortendaliks bûten de súdlike stedspoarte, Tolsteegpoarte, ûntjoech him in lytse foarstêd, Tolsteeg. It stedsje krige in spesjale rjochtsstatus yn de foarm fan in bûtengerjocht yn de stedsfrijheid. en mocht sels ek in muorre om it plak hinne bouwe. Tolsteeg lei geunstich oan it wetterknoopunt fan de Stedsbûtengrêft, Aldegrêft, Krûme Ryn en Vaartse Rijn. Yn Tolsteeg fêstige him in ierdewurkyndustry.
Oare nammen fan it gerjocht wiene Tollesteeg, Stolsteeg en oant 1830 Kovelswade.
Yn 1818 waard de gemeente Tolsteeg foarme, dy't njonken it eardere gerjocht Tolsteeg ek de gerjochten Soestbergen, Oostraven (Hoograven en Laagraven) en Westraven bestie. Yn 1823 waard de gemeente al wer ferdield, dêr't Tolsteeg en Soestbergen by Utert kamen, wylst Oostraven en Westraven fannijs by Jutphaas yndield waarden.
Nei de Twadde Wrâldkriich waard der grutskalich boud yn Tolsteeg dat doe in ûnderwyk waard. De wyk leit yn it eardere bûtengerjocht, mar wie dochs folle lytser is it oerflak fan it gerjocht. De wentebou yn de wyk bestie benammen út midhege flatbou sûnder lift, dy't skaaimerkjend foar de wyk wie.
Rotsoord is in âld yndustryterrein dy't oan de Vaartse Rijn lei. De wettertoer Heuveloord is tekenjend foar de lytse buert. De buert bestiet út in ferskaat oan wentetypen lykas arbeiderswenten, nije flatgebouwen, ferskate bedriuwen, poppoadium Tivoli de Helling en in bernebuorkerij mei fûgelopfang.
De buert is neamd nei de eardere bûtenpleats Rotsoord.
Boarnen, noaten en/as referinsjes: |
|
Ofbylden dy't by dit ûnderwerp hearre, binne te finen yn de kategory Tolsteeg en Rotsoord fan Wiki Commons. |
Wiken fan de stêd Utert: Binnenstêd • East (De Uithof) • Leidsche Rijn • West • Overvecht • Súd (Hoograven • Lunetten • Tolsteeg en Rotsoord) • Noardeast • Súdwest (Kanaleneiland) • Noardwest (Zuilen) • Vleuten-De Meern (Rijnenburg) | |
Doarpen: Haarzuilens • De Meern • Vleuten | |
Buorskippen: Alendorp • Oudenrijn |
This article uses material from the Wikipedia Frysk article Tolsteeg en Rotsoord, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.