Steatsline F

Steatslin F Roosendaal - Flissingen
Totale lingte	74,4 km
Oanlein troch	Steat fan de Nederlannen
Iepene Roosendaal - B. op Soom: 23 desimber 1863 Bergen op Soom - Goes: 1 july 1868 Goes - Middelburch: 1 maart 1872 Middelburch - Flissingen: 1 novimber 1873
hjoeddeistige status	Yn gebrûk
Elektrifisearre	1957
Tal spoaren	2
Baanfakfaasje	140 km/o
Befeiliging of treinbeynfloeding	ATB EG
Treintsjinst troch	NS
Traject
Leginda spoar fan Lage Zwaluwe spoar fan Breda wurkplak NS Borchwerf Noard 0,0 Roosendaal spoar nei Antwerpen Sintraal A58E312 A58E312 6,6 Wouw A4 Philip Morris Stamline Bergen op Soom 1900-1972 12,5 Bergen op Soom Stamline Bergen op Soom 1885-1987 Jansen Wagonbouw tramwei Tholen - Antwerpen opbr. Stamline Bergen op Soom 1987-2008 N289 (Reimerswaalweg) 18,4 Woensdrecht grins Noard-Brabân - Seelân Spoarbrêge Skelde-Rijnkanaal Spoarbrêge oer it Spuikanaal Bath 28,2 Rilland-Bath N289 (Oude Rijksweg) 31,5 Krabbendijke Oostdijk kûpuere Oostdijk 38,2 Kruiningen-Yerseke N573 (Zanddijk) tracé oant 1992 40,3 Vlake tramwei nei fearhaven Hansweert opbr. Vlakebrêge oer it Kanaal troch Súd-Bevelân tracé oant 1992 44,1 Kapelle-Biezelinge N289 (Fiaduktwei) tramwei fan Wemeldinge opbr. Kloetinge Postweg 49,2 Goes tramwei Goes - Hoedekenskerke - Goes remise SGB Stamline Goes opbr. A256 's-Heer Hendrikskinderen tramwei nei Wpd Veer opbr. Alde Sloeline 54,3 's-Heer Arendskerke 59,0 Lewedorp Nije Sloeline 64,5 Arnemuiden Spoarbrêge Arnemuiden Arne yndustryterrein Arnestein opbr. N57 (Havenpoortweg) 68,3 Middelburch 71,0 Oost Souburg 72,0 Flissingen Souburg N288 (Sloeweg) 73,7 Flissingen Stêd nei skipswerf De Skelde opbr. tramwei fan Koudekerke tramwei fan Middelburch 74,4 Flissingen Feartsjinst op Ingelân oant 1939

De spoarline koe oanlein wurde nei de oanlis fan de Sloedaam en de Kreekrakdaam, wêrmei't de eilannen Walcheren en Súd-Bevelân in ferbining oer lân krigen mei de rest fan Nederlân. De line telt twa grutte spoarbrêgen: Ien oer it Kanaal troch Súd-Bevelân en ien oer it Skelde-Rynkanaal. Lêstneamde farferbining waard goed 100 jier nei de spoarferbining iepene.

It earste part, Roosendaal - Bergen op Soom, waard iepene op 23 desimber 1863 en wie de tredde spoarline dy’t troch de Steatsspoarwegen yn har earste jier fan bestean yn eksploitaasje nommen waard. In lytse fiif jier letter op 1 july 1868, waard de line ferlinge oant Goes en tusken 1 maart 1872 en 1 septimber 1873 waard yn trije etappen it einpunt Flissingen berikt.

De spoarline waard yn fjouwer fazen iepene:

Yn Flissingen bestie oansluting op de feartsjinst nei Ingelân, eksploitearre troch de Stoomvaart Maatschappij Zeeland. Dizze feartsjinst waard oprjochte nei oanlieding fan de oanlis fan de spoarline. De Siuwske line wie dêrmei in wichtige skeakel yn de rapste ferbining tusken Berlyn en Londen. Benammen yn de perioade oant de Earste Wrâldkriich rieden streekrjochte boattreinen tusken Flissingen en Berlyn. Ferskate foarsten en diplomaten makken fanwegen it komfort gebrûk fan dizze treinen. Yn it stasjonsgebou fan Flissingen wie om dy reden sels in keninklike wachtkeamer oanwêzich. Nei de Earste Wrâldkriich kaam de klam mear op it toeristeferfier te lizzen. Mar yn 1939 al foar de Twadde Wrâldkriich waard de feartsjinst fanwegen kriichsdriging staakt. Nei de Twadde Wrâldkriich waarden de wichtichste fearferbiningen mei Ingelân nei Hoek fan Hollân ferpleatst en ferdwûnen de boattreinen definityf út Flissingen.

By de Wettersneed fan 1953 kaam in part fan de Siuwske line ûnder wetter te stean. Tichtby Kruiningen wie in stik spoarline dêr 't allinnich by leechwetter treinen ride koene. Steatsline F waard yn 1956 folslein elektrifisearre.

Krekt as lâns de oare spoarlinen út de earste perioade fan de earste steatsoanlis, ferskine ek lâns Steatsline F Standertstasjons fan de Steatsspoarwegen. Stasjon Vlissingen Souburg is it iennige stasjon oan dizze spoarline dat net by of flak nei de iepening fan it trajekt yn gebrûk naam is. Stasjon Flissingen Souburg waard iepene yn 1986. Yn de begjin jierren hie Flissingen ek twa stasjons, Flissingen Haven it hjoeddeistige stasjon Flissingen en Flissingen Stêd dat al yn 1894 sletten waard. Ek foar in tal lytsere stasjons, wêrûnder dy fan 's-Heer Arendskerke, Wouw en Woensdrecht, foel yn de rin fan de jierren it doek. Fan de oarspronklike stasjonsgebouwen binne der oan Steatsline F in tal gebouwen bewarre bleaun. De gebouwen fan Stasjon Middelburch, Arnemuiden, Kapelle-Biezelinge, Kruiningen-Yerseke en Krabbendijke stammen út it jier fan iepening, hoewol't oan dizze stasjonsgebouwen ferskate lytse en grutte ferbouwings plak hân ha.

	Stasjon	Type gebou	Opmerkingen
	Roosendaal	Unyk ûntwerp	1e stasjonsgebou yn 1905 ôfbrutsen en ferfongen troch in unyk ûntwerp fan arsjitekt G.W. van Heukelom. 2e stasjonsgebou yn 1949 diels ôfbrutsen troch kriichsskea en ferfongen troch in unyk ûntwerp fan S. van Ravesteyn.
	Wouw	type SS fiifde klasse	gebou ôfbrutsen yn 1961, stasjon sletten yn 1938.
	Bergen op Soom	Unyk ûntwerp	Yn 1971 ôfbrutsen en ferfongen troch in unyk ûntwerp fan arsjitekt C. Douma.
	Woensdrecht	type SS fiifde klasse	gebou ferlern gien yn de twadde wrâldkriich, stasjon sletten yn 1938.
	Rilland-Bath	Lyts gebouke	1e stasjonsgebou ein 1945 troch brân ferlern gien, en yn 1952 ferfongen in unyk ûntwerp fan fan S. van Ravesteyn. 2e stasjonsgebou yn 2006 ôfbrutsen.
	Krabbendijke	type SS fiifde klasse
	Oostdijk	Gjin	Stasjon sletten
	Kruiningen-Yerseke	type SS fiifde klasse	Stasjonsgebou is yn gebrûk as kantoar.
	Vlake	Gjin	Stasjon sletten yn 1933.
	Kapelle-Biezelinge	type SS fiifde klasse
	Goes	type SS fjirde klasse	Yn 1980 ôfbrutsen en yn 1982 ferfongen troch in unyk ûntwerp fan arsjitekt K. van der Gaast.
	's-Heer Arendskerke	type SS fiifde klasse	gebou ôfbrutsen yn 1963, stasjon sletten yn 1938.
	Lewedorp	Lyts gebouke	1e gebou yn 1916 ferfongen en ôfbrutsen/ferlern gien yn 1940, 2e stasjonsgebou yn 1965 ôfbrutsen. Stasjon sletten yn 1938.
	Arnemuiden	type SS fjirde klasse Wizige útfiering
	Middelburch	type SS tredde klasse
	Oost Souburg	Lyts gebouke	gebou ôfbrutsen yn 1954, stasjon sletten yn 1945.
	Flissingen Souburg	standerttype foarstêdshalte	gebou ôfbrutsen yn 2007.
	Flissingen Stêd	krompen ferzje fan type SS tredde klasse	Gebou ferlern gien yn de twadde Wrâldkriich, stasjon sletten yn 1894.
	Flissingen	laach en lang stasjonsgebou	1e stasjonsgebou yn 1892 ôfbrutsen en ferfongen troch in unyk ûntwerp fan arsjitekt D.H. Haverkamp. 2e stasjonsgebou yn 1944 ferlern gien yn de twadde Wrâldkriich en yn 1950 ferfongen troch in unyk ûntwerp fan S. van Ravesteyn.

• Steatslinen
• Standertstasjons fan de Steatsspoarwegen

	Steatslinen
Steatsline A (Arnhim - Ljouwert) | Steatsline B (Harns Haven - Bad Nijeskâns) | Steatsline C (Meppel - Grins) | Steatsline D (Sutfen - Glanerbrug) | Steatsline E (Breda - Maastricht) | Steatsline F (Roosendaal - Flissingen) | Steatsline G (Venlo - Kaldenkirchen) | Steatsline H (Utert Sintraal - Boxtel) | Steatsline I (Breda - Rotterdam DP/Sintraal) | Steatsline K (De Helder - Amsterdam Sintraal)
		wizigje