Stasjon Houten Castellum
Stasjon Houten Castellum (Htnc) is in spoarweistasjon yn doarp Houten en waard iepene yn 2001.
De namme komt fan de lizzing yn Castellum (neamd nei in Romeinsk fort), in wenwyk mei winkelsintrum fan de Vinex-locatie Houten-Zuid. It definitive stasjon Houten Castellum hat, lykas stasjon Houten, in eilânperron tusken de middelste twa spoaren, ûntsletten troch in tunnel ûnder it spoar. Dizze tunnel foarmet in belangrike fytsferbining tusken de westlike en eastlike helte fan Houten-Súd en is ek tagongswei foar de parkeargaraazje ûnder winkelsintrum Castellum út it easten wei. Kwa situearring en funksjonele opset hat it gebiet dêrmei (op 'e tagongsdyk nei de ûndergrûnske parkeargaraazje nei) oerienkomsten mei it gebiet by it haadstasjon fan Houten, sij it yn in mear beskieden foarm.
| Stasjon Houten Castellum station Houten Castellum | ||
 | ||
 | ||
| Stasjon Houten Castellum yn 2013 | ||
| lokaasje | ||
| lân |  Nederlân | |
| Provinsje | -Flag.svg){kind=small} Utert | |
| Gemeente |  Houten | |
| plak | Houten | |
| adres | Forum 154 | |
| arsjitektuer | ||
| stasjonskoade | Htnc | |
| type | Trochgongsstasjon | |
| iepening | 8 jannewaris 2001 | |
| oare ynformaasje | ||
| perrons | 1 | |
| perronspoaren | 2 | |
| spoarline | Steatsline H | |
| offisjele webside | ||
| NS stasjonsynformaasje | ||
| kaart | ||
.png)  | ||
Skiednis
Om Houten-Súd goed berikber te meitsjen, waard yn it sintrum fan de wyk it treinstasjon Houten Castellum pland lâns de Steatsline H (Utert-Sintraal - Boxtel. Om't in ekstra stop mei de stoptrein op dit drokke baanfak op dat stuit net yn te passen wie, waard besletten op in tramspoar, eastlik fan de besteande spoaren oan te lizzen, en in tram ride te litten tusken de twa Houtenske stasjons (sjoch Tramwei Houten - Houten Castellum). Dit ekstra spoar wie te sjen as in foarskot op de oansteande spoarferdûbeling, en wie mei 1,9 km it koartste baanfak yn Nederlân. It tydlike stasjon waard iepene yn 2001. Om it perron ek fan de westkant fan it spoar ôf berikber te meitsjen, waard der in fuotgongersbrêge oer it spoar boud. Opfallend detail wie dat it stasjon fanwegen problemen mei oankeap fan de grûn op partikulier terrein stie.
Troch de spoarferdûbeling op de hichte fan Houten waard it mooglik om de stoptreinen stopje te litten yn Castellum, wêrtroch't in de tramline net mear nedich wie. De wurksumheden wiene úteinset yn jannewaris 2007 en begjin 2008 waarden de earste dielen nij spoar oanlein. Ein 2008 wie de wurksumheden sa fier dat it tredde spoar net mear beskikber wie foar de tramwei. De tramwei waard dêrom op 13 desimber 2008 stopte. De spoarferdûbeling sels en it ferboude stasjon Houten binne op 15 novimber 2010 yn gebrûk nommen, op 12 desimber 2010 waard it nije stasjon Houten Castellum yn gebrûk naam.
Treinferbinings
| Searje | Treintype | Rûte | Tsjinstroaster |
|---|---|---|---|
| 6000 | Sprinter (NS) | Utert-Sintraal – Houten Castellum – Geldermalsen – De Bosk | |
| 6900 | Sprinter (NS) | De Haach Sintraal – Gouda – Utert-Sintraal – Houten Castellum – Geldermalsen – Tiel |
| Boarnen, noaten en/as referinsjes: | ||
|
This article uses material from the Wikipedia Frysk article Stasjon Houten Castellum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.