Spikereach (Dútsk: Spiekeroog) is in Eastfrysk eilân yn Dútslân.
It eilân is 18,25 km² grut en hat 780 ynwenners (2008), dy't foaral fan it toerisme libje. Der is ien doarp, dat ek Spikereach hiet. Bestjoerlik sjoen heart it eilân ta de dielsteat Nedersaksen en it goa Wittmund.
Spikereach is it seisde fan de sân Eastfryske eilannen dy't bewenne binne en dat ynleit tusken de eilannen Langereach yn it westen en Wangereach yn it easten. De eilannen wurde troch de seegatten de Otzumer Balje en de Harle fan inoar skieden. De lytste ôfstan nei de fêstewâl is 5,7 km.
Op it eilân meie gjin auto's ride; it is mei de fearboat te berikken fan Neuharlingersiel op de fêstewâl ôf.
Spikereach hat relatyf besjoen in protte beammen en wurdt dêrom ek wol die Grüne Insel neamd. De eastlike helte fan it eilân wurdt in beslach nommen troch de Ostplate, dêr't in soad bedrige fûgelsoarten foarkomme.
De Inselkirche fan Spikereach is fan 1696 en is de âldste tsjerke op de Eastfryske eilannen.
Jier | 30 juny | 31 desimber |
---|---|---|
2008 | 780 | |
2007 | 803 | |
2006 | 825 | 804 |
2004 | 828 | 798 |
Westfryske eilannen: |
This article uses material from the Wikipedia Frysk article Spikereach, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.