Sorben
De Sorben binne in Slavyske minderheid (likernôch 20.000 minsken kinne noch Sorbysk prate; 60.000 fiele harren Sorben) yn it easten fan Dútslân yn de dielsteaten Saksen en Brandenburch.
Hja libje yn in gebiet dat sa'n 80 kilometer súd-eastlik fan Berlyn leit. Hja prate in Slavyske taal, it Sorbysk, dat twa farianten hat: it Heechsorbysk en it Leechsorbysk. De Sorbyske taal hat likernôch 50.000 sprekkers. Dy binne allegear twatalich: Sorbysk en Dútsk.
De Sorben binne de neisieten fan Slavyske folken dy't in iuwmannich lyn yn it gebiet twisken de Elbe en Oder wenne ha. De Slavyske Sorben, dy't meiïnoar middenmank in Germaanske taal (Dútsk) libje, binne besibbe oan de ynwenners fan Poalen en Tsjechje.
De Sorben waarden ek eartiids, lykas alle oare Slavyske folken, Wenden neamd. Yn tekstboeken oer de Midsiuwen sjocht men dy namme werom as Wendyske stêden. Dat binne dan dy stêden fan de Hânze dy't by de Eastsee lâns lizze. De namme Wenden wurdt hjoed de dei as misledigjend beskôge.
Ferneamde Sorben
- Jakub Bart-Čišinski
- Jurij Brězan
- Jurij Chěžka
- Róža Domašcyna
- Jurij Koch
- Mato Kosyk
- Marja Krawcec
- Kito Lorenc
- Jakub Lorenc-Zalěski
- Mina Witkojc
- Handrij Zejler
Keppelings om utens
This article uses material from the Wikipedia Frysk article Sorben, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.