In skout-by-nacht is in opperofsier fan hege rang yn 'e nasjonale kriichsmacht fan in soad lannen.
Dizze rang komt foar by de marine; de ekwivalinte rang by de lânmacht, de maresjesee en de mariniers is generaal-majoar, en de ekwivalinte rang by de loftmacht is generaal-majoar of fise-loftmaarskalk. De boppelizzende rang is fise-admiraal, en de ûnderlizzende rang is kommandeur. De oansprektitel fan in skout-by-nacht is "skout-by-nacht".
Yn 'e marines fan 'e measte lannen hjit de skout-by-nacht oars; sa hat de Belgyske marine de difyzje-admiraal en de Angelsaksyske lannen de rear admiral (letterlik "efteradmiraal" of "admiraal fan 'e efterhoede"). Sawol de beneaming 'skout-by-nacht' as it Ingelske rear admiral is ûntliend oan it gebrûk út earder tiid dat de skout-by-nacht tafersjoch hold oer de float as de admiraal ôfwêzich wie of sliepte. Nachts ûntstieken alle skippen in lampe dy't se oan 'e efterstjûne hongen; de skout-by-nacht fear dan efter de float oan sadat er alle lampen yn 'e rekken hâlde koe.
Oersjoch fan 'e skout-by-nachtsrangen mei ekwivalinten yn oare kriichsmachtûnderdielen:
lânmacht en mariniers | marine | loftmacht |
---|---|---|
generaal-majoar | skout-by-nacht | generaal-majoar of fise-loftmaarskalk |
(oansprektitels kursyf werjûn)
Keninklike Lânmacht (KL) | Keninklike Marine (KM) | Keninklike Loftmacht (KLu) | Keninklike Maresjesee (KMar) | ||||
---|---|---|---|---|---|---|---|
NATO rang OF-7 | |||||||
generaal-majoar generaal | skout-by-nacht skout-by-nacht (by it Korps Mariniers: generaal-majoar) | generaal-majoar Generaal | generaal-majoar Generaal |
Boarnen, noaten en/as referinsjes: |
Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Skout-by-nacht, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.