Sis Van Rossem
Mary van Rossem, better bekend as Sis van Rossem (Seist, 2 maaie 1945 – Utert, 4 maaie 2022), wie in Nederlânsk keunsthistoarikus.
| Sis van Rossem | ||
 tillefyzje- en/of radiopersoanlikheid | ||
 | ||
| Sis van Rossem (2014) | ||
| persoanlike bysûnderheden | ||
| echte namme | Mary van Rossem | |
| nasjonaliteit |  Nederlânsk | |
| berne | 2 maaie 1945 | |
| berteplak | Seist | |
| stoarn | 4 maaie 2022 | |
| stjerplak | Utert | |
| wurkpaad | ||
| wurksum as | Keunsthistoarikus | |
| medium | Telefyzje | |
| wurksum by | NTR | |
| bekend fan | Hier zijn de van Rossems | |
Biografy
Sis wie de dochter fan keunstskilder Gerard van Rossem en Huberta Gerarda Nolen en de sus fan arsjitektuerhistoarikus Vincent en histoarikus Maarten van Rossem. Dy lêste joech har har namme Sis (fan it Ingelske wurd sister).
In grut part fan har libben wie se wurksum yn it ûnderwiis, fan middelbere skoallen oant learare-oplieding en Hegeskoalle Utert. Sels studearre se fan har tritichste ôf in skoft oan de Universiteit Utert.
Mei har bruorren presintearre sy it telefyzjeprogramma Hier zijn de Van Rossems. By de dêrfan ôflate rige Broeders in Berlijn moast se yn 2019 ferstek gean litte fanwegen sûnens problemen.
Sis van Rossem ferstoar op 4 maaie 2022 yn it sikehûs yn Utert, dêr 't se twa dagen earder opnaam waard nei in fal yn har wenning.
Publikaasje
De kollums fan Van Rossem, hanneljend oer it deistich libben en keunstskiednis, dy 't hja ûnder oaren skreau foar it blêd Maarten! binne bondele ûnder de titel Door de ogen van Sis van Rossem, 2019.
| Boarnen, noaten en/as referinsjes: |
| |
This article uses material from the Wikipedia Frysk article Sis van Rossem, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.