Santy Yndiaanske Organisaasje
De Santy Yndiaanske Organisaasje (Ingelsk: Santee Indian Organization) is in Yndiaanske stamme-organisaasje yn 'e Feriene Steaten mei erkenning op steatsnivo yn 'e steat Súd-Karolina.
De stamme, dy't oprjochte waard yn 1972, stie foarhinne bekend ûnder de nammen White Oak Yndianemienskip (White Oak Indian Community) of White Oak Mienskip (White Oak Community) en ek wol as de Santy fan Holly Hill (Santee of Holly Hill).
| Santy Yndiaanske Organisaasje | ||
| Ingelsk | Santee Indian Organization | |
| flagge | ||
.PNG) | ||
| algemiene ynformaasje | ||
| lân |  Feriene Steaten | |
| steat |  Súd-Karolina | |
| haadkertier | Holly Hill (Súd-Karolina) | |
| etnisiteit | Santy | |
| ledetal | 600 (2006) | |
| oprjochting | 1972 | |
| status | steatserkenning | |
| erkenning | Súd-Karolina | |
| reservaat | ||
| reservaat | gjin reservaat | |
| kaart | ||
  Lokaasje fan it haadkertier fan 'e stamme yn Súd-Karolina. | ||
Ynfrastruktuer
De Santy Yndiaanske Organisaasje hat likernôch 600 leden, mar beskikt net oer in eigen reservaat. It haadkertier is fêstige yn Holly Hill, yn Súd-Karolina. De leden besteane út etnyske Santy (Santee), dy't net betize wurde moatte mei Santy-Sû (Santee Sioux), mei't deselde namme ek in alternative oantsjutting is foar de Eastlike Dakota, ien fan 'e trije folksdielen fan 'e Sû (Sioux).
Erkenning
Hoewol't de Santy Yndiaanske Organisaasje al op 4 juny 1979 in petysje oanbea oan it Amerikaanske Buro fan Yndiaanske Saken (BIA), wat de gebrûklike earste stap is om federale erkenning oan te freegjen, is dat in tige dreech proses bleken, en rint dy oanfraach noch altiten. Underwilens is de organisaasje yn 2006 as in Yndiaanske stamme (de heechste fan trije mooglike gradaasjes) erkend troch de steat Súd-Karolina.
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Santy Yndiaanske Organisaasje, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.