Salim Ahmed Salim

Salim Ahmed Salim (Sansibar, 23 jannewaris 1942) is in Tanzaniaansk steatsman en diplomaat fan mingd Afro-Yndysk, Arabysk en Swahily etnysk komôf.

Hy is lid fan 'e regearingspartij Chama cha Mapinduzi (CCM). Salim tsjinne lange tiid as ambassadeur foar Tanzania yn ferskate lannen en by de Feriene Naasjes, en wie letter minister en minister-presidint fan syn heitelân. Fan 1989 oant 2001 beklaaide er de funksje fan siktaris-generaal fan 'e Organisaasje fan de Afrikaanske Ienheid.

Salim Ahmed Salim
Salim Ahmed Salim politikus
Salim Ahmed Salim
echte namme Salim Ahmed Salim
nasjonaliteit Salim Ahmed Salim Tanzaniaansk
bertedatum 23 jannewaris 1942
berteplak ? (Sansibar)
etnisiteit Salim Ahmed Salim Afro-Yndysk
Salim Ahmed Salim Arabysk
Salim Ahmed Salim Swahily
partij Chama cha Mapinduzi (CCM)
siktaris-generaal fan de OAU
amtsperioade 19892001
foargonger Ide Oumarou
opfolger Amara Essy
Tanzaniaansk minister fan Definsje
fise-premier fan Tanzania
amtsperioade 19851989
premier fan Tanzania
(en as sadanich fise-presidint fan Tanzania)
amtsperioade 19841985
foargonger Edward Sokoine
opfolger Joseph Warioba
Tanzaniaansk minister fan Bûtenlânske Saken en Ynternasjonale Gearwurking
amtsperioade 19811984
foargonger Benjamin Mkapa
opfolger Benjamin Mkapa
ambassadeur foar Tanzania
amtsperioade 19641965 (Egypte)
19651968 (Yndia)
19691970 (Sina)
19701980 (by de FN)
19701980 (Barbados)
19701980 (Guyana)
19701980 (Jamaika)
19701980 (Kuba)
1970 – 1980 (Trinidad & Tobago)

Libben en karriêre

Jonkheid en oplieding

Salim waard yn 1942 berne yn wat doe noch it Sultanaat Sansibar wie, as de soan fan Ahmad Salim Riyami, dy't oan heitekant etnysk Arabysk wie (mei in famylje dy't oarspronklik út Omaan stamme), en oan memmekant fan Swahily-komôf wie. Salim syn mem wie in Tanzaniaanse fan Afro-Yndysk komôf. Hy genoat middelber ûnderwiis oan it Lumumba Kolleezje yn Sansibar en learde neitiid fierder oan 'e Universiteit fan Delhi, yn Yndia, dêr't er in bachelortitel yn 'e politikology behelle dy't er letter oan 'e Columbia Universiteit fan New York omsette yn in mastergraad. Yn 'e iere 1960-er jierren ûntjoech Salim him ta in polityk aktivist en wied er behelle yn 'e oprjochting fan 'e All-Zanzibar Student Union (AZSU), dêr't er de earste fise-foarsitter fan wie.

Karriêre

Yn 1961 sette Salim syn wurkpaad útein as plakferfangend folmacht yn 'e Sansibareeske diplomatike fertsjintwurdiging op Kuba, in posysje dy't er oant 1962 beklaaide. Fan 1963 oant 1964 wied er haadredakteur fan in Sansibareesk deiblêd en siktaris-generaal fan 'e All-Zanzibar Journalists Organisation (AZJO).

Nei't Sansibar yn april 1964 mei Tanganjika gearfoege wie ta de Feriene Republyk Tanzania, kearde Salim werom nei de diplomasy. Efterinoar wied er de Tanzaniaanske ambassadeur yn Egypte (1964-1965), Yndia (1965-1968) en Sina (1969-1970). Fan 1970 oant 1980 beklaaide er de post fan permanint fertsjintwurdiger fan Tanzania by de Feriene Naasjes yn New York, wylst er yn dyselde perioade tagelyk ek fungearre as Tanzaniaansk ambassadeur yn Barbados, Guyana, Jamaika, Kuba en Trinidad en Tobago. Yn 1976 wie Salim foarsitter fan 'e Feilichheidsried fan de Feriene Naasjes en yn 1979 siet er de Algemiene Gearkomste fan de Feriene Naasjes foar.

Yn 1980 kearde Salim werom nei hûs, wêrnei't er oant 1984 de Tanzaniaanske minister fan Bûtenlânske Saken en Ynternasjonale Gearwurking wie. Fan 1984 oant 1985 tsjinne er ûnder presidint Julius Nyerere as premier (en dêrmei automatysk ek as fise-presidint) fan Tanzania, en fan 1986 oant 1989 wied er ûnder it regear fan presidint Ali Hassan Mwinyi minister fan Definsje en teffens fise-premier fan Tanzania. Ynternasjonaal waard Salim bekend doe't er fan 1989 oant 2001 it amt beklaaide fan siktaris-generaal fan 'e Organisaasje fan de Afrikaanske Ienheid (OAU), in gearwurkingsferbân fan Afrikaanske steaten dêr't yn 2002 de Afrikaanske Uny út fuortkomme soe.

Sûnt 2001 is Salim foarsitter fan 'e Julius K. Nyerere Stifting, en teffens is er lid fan it Sintraal Komitee fan 'e politike partij Chama cha Mapinduzi (CCM). Fan 2004 oant 2008 tsjinne er fierders as spesjaal gesant fan 'e Afrikaanske Uny oangeande de Oarloch yn Darfoer. Sûnt 2002 hâldt er him op útnûging fan 'e Afrikaanske Untwikkelingsbank (ADB) dwaande mei kwestjes op it mêd fan 'e wetterfoarsjenning en wetterbesparring.

Priveelibben

Salim is troud mei syn frou Amne, mei wa't er trije bern hat, Maryam, Ali en Ahmed. Hy hat ûnder syn lange wurkpaad earedoktoraten takend krigen fan 'e Universiteit fan de Filipinen Los Baños (1980), de Universiteit fan Maiduguri, yn Nigearia (1983), de Universiteit fan Mauritsius (1991), de Universiteit fan Kartûm, yn Sûdaan (1995), de Universiteit fan Bologna, yn Itaalje (1996), de Universiteit fan Kaapstêd, yn Súd-Afrika (1998) en de Universiteit fan Addis Abeba, yn Etioopje (2003).

Keppeling om utens

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.

Tags:

Salim Ahmed Salim Libben en karriêreSalim Ahmed Salim Keppeling om utensSalim Ahmed Salim19421989200123 jannewarisAmbassadeurArabierenDiplomaatEtnyske groepFeriene NaasjesMinisterMinister-presidintPolitike partijSansibarSiktaris-generaalSteatsmanSwahily (folk)Tanzania

🔥 Trending searches on Wiki Frysk:

SprinkhoannesjongersSûdanRomeinenGregoriaanske kalinderImerkesjongerfûgelsGolf fan RigaMegan SalinasTurkmenistanMay ThaiList fan Romeinske steatshaden26MinskeKristendomVolodymyr Zelensky5 desimberOcca Johanna Ripperda1949Mona LisaTsjetsjeniëReklamefilmkeBedum (plak)WebcamTsjoenderijAlgemien direkteur6 augustusGeslachtsmienskip2024IerskHolokaust2018SuffolkJasmine BlackSkriuwerKazachstanCharles III fan it Feriene KeninkrykNoardlike NjonkenlinenNoard-IerlânLolita (pornografysk aktrise)Kommunistysk ManifestVeronica RodriguezEjakulaasje25 maart14 novimberLisa AnnSolovetski-kleasterSpoar fan Grins nei DelfsylJapanKomeetProvinsjes en territoaria fan KanadaAfrikaanske UnyYvette BovaSúd-AmearikaLânfâdThe Call of the Wild (film út 2020)Leonid BrezjnevAlfred HitchcockSêfte BroeierNije mediaHuningblomKosovo-oarlochHagekrûperfûgelsJ. MacOsmaanske RykNoelle EastonKabinet-Rutte IVFormule 1 yn 2018TailânIt Oranjewâld🡆 More