Súd-Georgje En De Súdlike Sandwicheilannen

Súd-Georgje en de Súdlike Sandwicheilannen South Georgia and the South Sandwich Islands
flagge	wapen
geografyske lokaasje
algemien
gebietsdiel fan	Feriene Keninkryk
pol. status	oerseesk gebiet
haadstêd	King Edward Point
offisjele taal	Ingelsk
sifers
ynwennertal	30 (2006)
befolkingstichtens	0,005 / km²
oerflak	3.903 km² (ynkl. wetter)
bykommende ynformaasje
muntienheid	Pound sterling (GBP) (£)
tiidsône	UTC-2
tillefoan	+500
ynternetekstinsje	.gs
webside	www.sgisland.gs

De eilannekloft is in oerseesk gebietsdiel fan it Feriene Keninkryk en wurdt fanút de Falklâneilannen bestjoerd (ôfstân: 1455 km). De eilannen wurde ek klaimd troch Argentynje en wiene ynset ûnder de Falklânoarloch. Oarspronklik wiene de eilannen yndield by de Falklâneilannen, mar yn 1985 waarden Súd-Georgje en de Súdlike Sandwich eilannen as in apart territoarium foarme.

Alhoewol't de eilannen op it heden gjin permaninte befolking hawwe, waard Súd-Georgje yn de 19e iuw as útfalsbasis brûkt foar de walfiskfeart. Sûnt 1908 binne de eilannen yn Britske hannen en oant 2001 hiene de Britten dêr in lytse basis fêstige. Dy basis wurdt tsjintwurdich brûkt foar permanint wittenskiplik ûndersyk. Ek is der in biologysk ûndersyksstasjon fêstige op Fûgeleilân.

Geografysk wurde de eilannen sa yndield:

• Súd-Georgje:
  • Súd-Georgia
  • Annenkoveilân
  • Fûgeleilân
  • Coopereilân
  • Gerseilân
  • Pickersgilleilannen
  • Wolkomeilannen
  • Williseilannen
  • Swarte Rotsen
  • Ielskolfersrotsen
  • Clerkerotsen
• Súdlike Sandwicheilannen:
  • Traversayeilannen
    • Zavodovski-eilân
    • Leskoveilân (lytste)
    • Visokoi-eilân
    • Lichtmiseilân
    • Vindicatie-eilân
  • Saunderseilân
  • Montagu-eilân (grutste)
  • Bristoleilân
  • Súdlike Tule-eilannen
    • Bellingshauseneilân
    • Cookeilân (moat net betize wurde mei de Cookeilannen, yn de Grutte Oseaan)
    • Tule-eilân