Refektoarium
In refter of in refektoarium is in grutte romte mei in meastentiids leech plafond of ferwulft dat as ytseal yn in kleaster tsjinst docht.
It wurd stamt fan it Latynske reficere, wat ophelpe (yn dizze betsjutting dus "jin ferhelje") betsjut.
Yn roomske kleasters stiet yn de refter oan it ein fan de tafels en banken fakentiden in lessener of in buro. Wylst hja swijend ite harkje de muontsen of nonnen dan nei de wurden fan de tafellêzing. Dat kinne stichtlike stikken wêze, mar ek nijs of oare opbouwende ferhalen.
Yn de otterdoksy wurde refters fakentiden beskildere neffens in fêst tradisjoneel programma. Utbylde wurde Bibelske foarstellings dy't mei iten en drinken te krijen hawwe. Yn roomske kleasters ûntbrekt sa'n fêst byldprogramma en stiet de dekoraasje frij, alhoewol't ûnder ynfloed fan de Italjaanske renêssânse it wol moade waard om in soad refters mei fresko's fan it Lêste Jûnsmiel te beskilderjen.
Keppeling om utens
 | Ofbylden dy't by dit ûnderwerp hearre, binne te finen yn de kategory Refectories fan Wiki Commons. |
This article uses material from the Wikipedia Frysk article Refektoarium, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.