Pioneer 10
De Pioneer 10 (ek wol Pioneer F neamd) is in net-bemanne romtefartúch fan de NASA, dat op 3 maart 1972 lansearre waard.
It doel fan de missy wie it ferkennen fan de bûtenste dielen fan ús sinnestelsel en is ûnderdiel fan it Pioneer programma.
Foto: NASA
Foto: NASA
De Pioneer 10 wie de earste sonde nei de planeet Jupiter, dy't op 3 desimber 1973 hiel ticht benei kaam waard, en gong as earste troch de planetoïdegurdle. Ek wie de Pioneer 10 de earste sonde dy't it sinnestelsel ferliet op 13 juny 1983 doe't er Neptunus efter him liet (dat doe de bûtenste planeet wie troch de elliptyske baan fan de planeet Pluto).
Oant 17 febrewaris 1998 wie de Pioneer 10 it fierst ferwidere troch minsken makke objekt yn de romte. Op dy dei waard de berikte ôfstân fan de ierde benei kaam troch de Voyager 1 dy't fan dat stuit ôf in foarsprong oan it opbouwen is.
De Pioneer 10 reizget yn de rjochting fan de stjer Aldebaran yn it stjerrebyld Taurus dêr't er oer mear as 2 miljoen jier oankomme sil.
 | Ofbylden dy't by dit ûnderwerp hearre, binne te finen yn de kategory Pioneer 10 fan Wiki Commons. |
This article uses material from the Wikipedia Frysk article Pioneer 10, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.