Kearnwapen
In kearnwapen (ek wol kearnbom, atoombom of atoomwapen) is in type wapen dat gebrûk makket fan de enerzjy dy't opslein is yn de kearnen fan atomen om in ûntploffing te feroarsaakjen.
Konvinsjonele eksplosiven ûntploffe troch gemyske reaksjes, wêrby't de atoomkearnen net feroarje.
Hoewol't alle kearnwapens basearre binne op it yn koarte tiid feroarsaakjen fan kearnreaksjes, kin in tal soarten ûnderskieden wurde.
Der wurdt ferskil makke tusken bommen dy't gebrûk meitsje fan kearnsplitting yn in keatlingreaksje (U-bom en Pu-bom) en bommen dy't gebrûk meitsje fan kearnfúzje (H-bom, de Wetterstofbom). Foar beide typen kinne ferskate eleminten brûkt wurde.
Underskieden wurdt in strategysk kearnwapen en in taktysk kearnwapen. Strategyske kearnwapens binne makke om by it doel brocht te wurden mei in ynterkontinintale raket (fanút in strategyske raket-ûnderseeboat, út in raketsilo of in mobile ynstallaasje op it lân of in bommesmiter. Taktyske kearnwapens kinne brûkt wurde yn in bom (sa as djiptebom), raket (sa as krúsraket), artillery, lânmyn, of torpedo.
Jannewaris 2009 hienen acht steaten yn totaal rom 23.300 kearnwapens.
| Boarnen, noaten en/as referinsjes: | ||
|
This article uses material from the Wikipedia Frysk article Kearnwapen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.