Nikolaj Karamzin

Ynfloed

Karamzin hat as skriuwer in protte ynfloed hân op de Russyske taal, om't er tal fan âld-Slavyske foarmen út it Russysk helle en nije, faak oan westerske talen ûntliende, wurden, dêr foar yn it plak brûkte. Hy yntrodusearre it sentimintalisme yn Ruslân.

Skiedkundige

As skiedkundige besocht er op in wittenskiplike en metoadyske wize te wurkjen yn pleats fan, sa't faak wenst wie, allinnich kroniken oer it barren yn in beskate tiid te sammeljen. Fan 1808 oant 1818 wurke er oan syn 'Skiednis fan de Russyske steat'. Hy ferdigene de autokrasy en feroardiele de Frânske Revolúsje. Dochs wie er wol in liberaal tinker yn it doetiidsk Ruslân.

Neitins

De astroïde 3719 Karamzin, ûntdutsen troch de astronoom Lyudmila Chernykh yn 1976, is nei him neamd.

Wurk

In ûnfolsleine list fan syn wurk:

De earme Liza, 1792
Brieven fan in Russysk reizger. Oer syn reizen troch Dútslân, Frankryk, Switserlân en Ingelân. 1791-1792
Aglaia, ferhalen, 2 dielen, 1794
It Panteon, samling fan priuwkes fan wurk fan bekende skriuwers oerset yn it Russysk
Twa oades op tsaar Aleksander I, 1801
Skiednis fan de Russyske steat. 12 dielen, 1818-1822.

Sjoch ek

Russyske skriuwers

Keppelings om utens

Karamzin's skiednis fan de Russyske steat Russysk
Karamzin. Fers Russysk

This article uses material from the Wikipedia Frysk article Nikolaj Karamzin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.