Moordvrouw
Moordvrouw is in Nederlânske plysjerige dy't him ôfspilet yn Ljouwert en wurdt sûnt 20 jannewaris 2012 útsjoerd troch RTL 4.
De titel referearret oan haadpersoan Fenna Kremer, spile troch Wendy van Dijk. Seizoen 4 sil maitiid fan 2015 op it skerm ferskine. De rige wurdt yn Belgje útstjoerd troch de Flaamske stjoerder Vtm.
Produksje
Nei it stopjen fan Baantjer en it súkses fan Flikken Maastricht besleaten Endemol en RTL 4 in plysjerige te meitsjen mei deselde ynfalshoek, allinnich soene se dan net it suden opsykje mar it noarden. Uiteinlik waard Fryslân keazen, want Endemol krige Fryslân Marketing as sponsor.
Nei it twadde seizoen spilet de searje net dúdlik mear yn Fryslân. Wêr't it him dan wol ôfspilet wurdt yn 'e midden litten.
Gearfetting
Wendy van Dijk spilet resjersjeur Fenna Kremer dy't nei in traumatysk barren oerpleatst is nei in plysjeburo yn Ljouwert. Har oanpak is oars, ûnotterdoks en konfrontearjend foar it hiele team. Mar Fenna hat it fertrouwen fan kommissaris Vreeswijk (Renée Soutendijk), dy't wol dat de resjersjeurs in manier fine om mei elkoar gear te wurkjen. Soks is makliker sein as dien mei de stûfe Evert (Thijs Römer) en de jonge Bram (Achmed Akkabi) - de iene is frijwat kritysk op har manier fan wurkjen en de oare hat de grutste muoite om Fenna te folgjen. Mar hoe lestich guon kollega's har wurkwize ek fine: it wurket. Yn tsien ôfleveringen is te sjen wat it resjerzjeteam meimakket. Mei ûnder oare rollen fan Chava Voor in 't Holt (Simone Blok) en Porgy Franssen (Menno de Waard).
Haadpersoanen
| Akteur | Persoonaazje | Funksje | Seizoen | |||
|---|---|---|---|---|---|---|
| 1 | 2 | 3 | 4 | |||
| Wendy van Dijk | Fenna Kremer | Ynspekteur, senior resjersjeur | Haadrol | |||
| Renée Soutendijk | Carla Vreeswijk | Teamsjef, haadkommissaris | Haadrol | |||
| Thijs Römer | Evert Numan | Ynspekteur, taktysk resjersjeur | Haadrol | |||
| Porgy Franssen | Menno de Waard | Plysjepsycholooch, beliedsadviseur | Haadrol | |||
| Achmed Akkabi | Bram Amezian | Haadplysje | Haadrol | |||
| Chava Voor in 't Holt | Simone Blok | Technysk resjersjeur en analiste | Haadrol | |||
| Fockeline Ouwerkerk | Liselotte van Kempen | Technysk resjersjeur en analiste | Haadrol | |||
| Boarnen, noaten en/as referinsjes: |
This article uses material from the Wikipedia Frysk article Moordvrouw, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.