Mia Irene Gerhardt (Rotterdam, 28 desimber 1918 - Domburg, 13 novimber 1988) wie in Nederlânsk mediëvist (saakkundige op it mêd fan 'e Midsiuwen) en heechlearaar ferlykjende literatuerwittenskip oan de Universiteit fan Utert.
Mia Gerhardt | ||
persoanlike bysûnderheden | ||
echte namme | Mia Irene Gerhardt | |
nasjonaliteit | Nederlânsk | |
berne | 28 desimber 1918 | |
berteplak | Rotterdam | |
stoarn | 13 novimber 1988 | |
stjerplak | Domburg | |
wurkpaad | ||
aktyf as | heechlearaar ferlykjende literatuerwittenskip |
Mia Gerhardt gie nei it Erasmiaansk Gymnasium yn Rotterdam. Dêrnei studearre hja Frânske taal- en letterkunde oan de Ryksuniversiteit Grins. Fan 1946 oant 1950 wie se wittenskiplik assistint oan de Universiteit Leien. Yn 1950 promovearre se by de lieratuerwittenskipper Sem Dresden. Tusken 1950 en 1968 wie Mia Gerhardt as lektor Frânske taal- en letterkunde ferbûn oan tagelyk de Ryksuniversiteit Grins en de Universiteit Utert. Yn 1968 waard hja yn Utert ta heechlearaar beneamd en yn 1971 waard se lid fan de Koninklijke Nederlandse Akademie van Wetenschappen.
Mia Gerhardt wie ek lid fan it Koninklijk Zeeuwsch Genootschap der Wetenschappen en fan de Nederlandse Malacologische Vereniging. Har samling fossile skelpen krige nei har dea in ûnderkommen by museum Naturalis yn Leiden.
Gerhardt wie in suster fan de dichteressen Ida Gerhardt (1905 - 1997) en Truus Gerhardt (1899 - 1960).
In kar:
This article uses material from the Wikipedia Frysk article Mia Gerhardt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.