Martha Van Wichen-Schol
Martha van Wichen-Schol (West-Skylge, 22 maart 1946 – Nederhorst den Berg?, 15 april 2004) wie in Frysk wurdboekgearstaller en dichteresse, dy't ferantwurdlik wie it ta stân kommen fan 'e earste wurdlist fan it Skylgersk (ek wol Westersk neamd), it Fryske dialekt dat sprutsen wurdt op it westlike part fan it Waadeilân Skylge.
| Martha van Wichen-Schol | ||
 skriuwer | ||
| persoanlike bysûnderheden | ||
| echte namme | Martha van Wichen-Schol | |
| nasjonaliteit |  Nederlânsk | |
| berne | 22 maart 1946 | |
| berteplak | West (Skylge) | |
| stoarn | 15 april 2004 | |
| stjerplak | Nederhorst den Berg? (N.H.) | |
| etnisiteit |  Frysk | |
| wurk | ||
| taal | Skylgersk, Nederlânsk | |
| sjenre | poëzij, wurdlist | |
| perioade | 2e helte 20e iuw | |
| bekendste wurk(en) | Woddenboek fan et Westers | |
| jierren aktyf | 1955 – no | |
| offisjele webside | ||
| gjint | ||
Skriuwen
Van Wichen-Schol wie hikke en tein yn West, mar wenne al jierren yn Nederhorst den Berg, yn it Goai, doe't se yn 1980 op eigen manneboet in wurdlist fan har memmetaal, it Skylgersk, begûn gear te stallen. Datselde jiers noch stjoerde hja de kladferzje fan 'e letter A nei de Fryske Akademy yn Ljouwert, dêr't men tige bliid wie mei har inisjatyf. Under begelieding fan K.F. van der Veen, fan 'e Akademy, en mei help fan 'e Aasterske taalaktivist Cornelis Roggen, sette Van Wichen-Schol doe har projekt fuort. Dêrby gie se ek geregeldwei te rie by har mem, Geertse Schol-Boem, dy't út klearebare leafhawwerij al jierrenlang typysk Skylgerske wurden en útdrukkings opskreaun hie.
Nei't Van Wichen-Schol yn 1983, sa'n trije en in heal jier nei't se mei it wurk úteinset wie, har wurdlist Nederlânsk-Skylgersk kompleet hie, waard dy op 'e Fryske Akademy troch meiwurkster Alie Kuperus yn 'e kompjûter set. Doe waard mei help fan wurdboekskriuwer Gosse Blom in omdraaide list Skylgersk-Nederlânsk oanmakke en tafoege. Yn 1986 koe it Woddenboek fan et Westers einlings publisearre wurde. Njonken har krewearjen foar in Skylgersk wurdboek wie Van Wichen-Schol ek lang aktyf as dichteresse, wêrby't hja it pseudonym Nienke hantearre.
Wurk
- 1955 - Jaapke en Tineke (ûnder de skûlnamme Nienke)
- 1981 – Dir Is Mar Ien Schylge (gedicht, yn: Terschelling... Rijmt en Dicht)
- 1981 – Fremde Worden (gedicht, yn: Terschelling... Rijmt en Dicht)
- 1986 – Woddenboek fan et Westers
- 1989 - Poëtische tocht door Nederhorst den Berg
- 1998 – Jog Mi Dyn Hân (gedicht, yn: Bûsboekje 1999)
| Boarnen, noaten en/as referinsjes: |
|
This article uses material from the Wikipedia Frysk article Martha van Wichen-Schol, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.