Luitenant-Generaal
In luitenant-generaal is in opperofsier fan hege rang yn 'e nasjonale kriichsmacht fan in soad lannen.
Dizze rang komt foar by de lânmacht, de loftmacht, de maresjesee en de mariniers; de ekwivalinte rang by de marine is fise-admiraal. Guon lannen, wêrûnder Grut-Brittanje en ferskate oare lidsteaten fan it Britske Mienebêst, hawwe foar luitenant-generaal by de loftmacht ynstee de rang loftmaarskalk (air marshal). De oansprektitel fan in luitenant-generaal is "generaal". De boppelizzende rang is generaal, en de ûnderlizzende rang is generaal-majoar. In luitenant-generaal fiert it befel oer in legerkorps. De letterlike betsjutting fan 'luitenant-generaal' is "plakferfanger fan 'e generaal".
Skematysk oersjoch
Oersjoch fan 'e luitenant-generaalsrangen mei ekwivalinten yn oare kriichsmachtûnderdielen:
| lânmacht en mariniers | marine | loftmacht |
|---|---|---|
| luitenant-generaal | fise-admiraal | luitenant-generaal of loftmaarskalk |
Yn 'e Nederlânske kriichsmacht
(oansprektitels kursyf werjûn)
| Keninklike Lânmacht (KL) | Keninklike Marine (KM) | Keninklike Loftmacht (KLu) | Keninklike Maresjesee (KMar) | ||||
|---|---|---|---|---|---|---|---|
| NATO rang OF-8 | |||||||
 | luitenant-generaal generaal |  | fise-admiraal admiraal (by it Korps Mariniers: luitenant-generaal) |  | luitenant-generaal generaal |  | luitenant-generaal generaal |
Sjoch ek
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Luitenant-generaal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.