Live Action
Live action, soms skreaun as live-action of liveaction, is in term út 'e filmyndustry en de tillefyzjesektor wêrmei't oanjûn wurdt dat in spylfilm, tillefyzjefilm of tillefyzjesearje spile wurdt troch (libbene) akteurs en aktrises.
Dêrmei is it it tsjinstelde fan animaasje, dat gebrûk makket fan personaazjes dy't mei de hân of mei de kompjûter tekene binne, en wêrfoar't stimakteurs letter de stimmen ynsprekke. De term komt út it Ingelsk en betsjut letterlik "libbene aksje". Om't der meastal sprake is fan live action wurdt dy tafoeging yn 'e regel inkeld brûkt as men it net ferwachtsje soe dat eat troch libbene akteurs spile waard of om it kontrast mei animaasje oan te jaan.
Ek films of tillefyzjeprogramma's mei marionetten en oarsoartige poppen (lykas Sesamstraat en The Muppet Show) wurde almeast ta live action rekkene, salang't de poppen alteast net fuortbeweegd wurde mei stop-motion. Der besteane ek hybride live action/animaasjefilms, wêryn't minsklike akteurs tekenfilmfigueren as tsjinspilers hawwe. It bekendste foarbyld fan dat soarte films is Who Framed Roger Rabbit?.
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Live action, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.