Ligueryske See
De Ligueryske See is de rânesee fan 'e Middellânske See súdlik fan 'e Noarditaljaanske regio Liguerje, it foarstedom Monako en it eastlikste part fan 'e Frânske Côte d'Azur, noardlik fan it ta Frankryk hearrende eilân Korsika, en noardwestlik fan 'e Italjaanske regio Toskane.
Yn it súdeasten giet de Ligueryske See by de Toskaanske Arsjipel oer yn 'e Tyrreenske See. De wichtichste havenstêd oan 'e Ligueryske See is Genua, folge troch Livorno en La Spezia. De noardwestlike kust stiet bekend om syn skientme en noflik klimaat. It noardlikste part fan 'e see wurdt foarme troch de Golf fan Genua. Yn it easten mûnje de rivier de Arno en withoefolle mindere Apenynske streamen yn 'e Ligueryske See út. Noardwestlik fan Korsika leit it djipste punt, dêr't de seeboaiem likernôch 2.850 m ûnder it oerflak leit.
| Ligueryske See | ||
 | ||
| geografy | ||
| type wetter | rânesee | |
| lokaasje | besuden de Italjaanske regio Liguerje en benoarden Korsika | |
| lân |  Frankryk Itaalje Monako | |
| ûnderdiel fan | Middellânske See | |
| sifers | ||
| djipste punt | 2.850 m | |
Om 'e walfisken en dolfinen te beskermjen (brúnfisken komme yn 'e Ligueryske See net foar) hawwe Itaalje, Frankryk en Monako de see yn 1999 útroppen ta in beskerme gebiet. It Ynternasjonale Walfiskreservaat fan de Ligueryske See beslacht 84.000 km², en bestiet út sawol nasjonale territoriale wetters as iepen see.
Gallery
-
-
Palmaria -
La Spezia -
-
Antibes
This article uses material from the Wikipedia Frysk article Ligueryske See, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.