Kirill Fan Moskou
Kirill fan Moskou (Russysk: Кирилл, transliterearre Kirill; wrâldske namme Vladimir Michailovitsj Gûndjajev, Russysk: Владимир Михайлович Гундяев; Leningrad, Sovjet-Uny, 20 novimber 1946) is sûnt 27 jannewaris de patriarch fan Moskou en hiel Ruslân en dêrmei it haad fan de Russysk-Otterdokse Tsjerke.
Yn 1969 waard Kirill ta preester wijd. Fan 1974 oant 1984 wie Kirill rektor fan de Teologyske Akademy fan Leningrad. Hy waard ynwijd as biskop fan Vyborg yn 1975 en promovearre nei aartsbiskop yn 1977. Ear't Kirill keazen waard ta patriarch wie hy fan 1988 ôf de aartsbiskop fan Smolensk en Kaliningrad. Yn 1991 waard Kirill metropolityt, it heechste amt ûnder de patriarch.
Nei de dea fan patriarch Aleksius II waard Kirill op 2 desimber 2008 yn de simmerresidinsje fan de patriarch yn Peredelkino by Moskou as locum tenens fan it amt fan patriach fan de Russysk-otterdokske Tsjerke keazen. Op 27 jannewaris 2009 waard Kirill keazen ta patriarch en op 1 febrewaris 2009 folge de kroaning yn de Kristus de Ferlosserkatedraal te Moskou.
Famylje
Kirill komt út in preesterfamylje. Syn heit, dy't ferstoar yn 1974, wie ek preester. De pake fan Kirill waard yn de jierren 1920, 1930 en 1940 om syn leauwen ferbannen en syn striid tsjin de fernijers nei Solovky-kamp op de Solovetsky-eilannen. De âldere broer fan Kirill is aartsbiskop en professor oan de Teologyske Akademy fan Sint-Petersburch en rektor oan de Transfiguraasjekatedraal yn Sint-Petersburch.
| Boarnen, noaten en/as referinsjes: | ||
|
This article uses material from the Wikipedia Frysk article Kirill fan Moskou, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.