Karma
Karma (Sanskryt) (Pāli: Kamma) is in begryp út it hindoeïsme en it boedisme, en hâldt yn it idee dat alles dat wy dogge, tinke en sizze wer by ús werom komt.
It is gearrin fan omstannichheden mei oarsaak en gefolch en wurdt wol sjoen as in natuerwet. Der wurdt lykwols fanút gien dat der net in God is dy't fuortendaliks straft, mar dat yn de natuer sels in soartemint meganisme oanwêzich is dy't soarget foar evenwicht. Dat evenwicht siket de natuer út himsels. In goede died jout fan natoere in goed gefolch, en minne (kweade) hannelingen hawwe net plezierige gefolgen as resultaat.
As begryp is karma yn it westen yntrodusearre troch de teosofy en spilet fral yn de út de teosofy fuortkommende antroposofy in wichtige rol.
Fryske siswizen
Yn it Frysk komt "karma' ta útdrukking yn siswizen as:
- Dy't nachts fisket, moat deis netten drûgje
- Dêr't men mei omgiet, wurdt men mei neamd
- Moarns let, de hiele dei let
This article uses material from the Wikipedia Frysk article Karma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.